A Panthic Network - Khalsa Press Publication, ISSN: 1930-0107

PANTHIC.org


"ਲੱਗੀ ਧਮਕ ਸਾਰੇ ਹਿੰਦੁਸਤਾਨ ਅੰਦਰ, ਦਿੱਲੀ, ਆਗਰੇ, ਹਾਂਸੀ ਹਸਾਰ ਮੀਆਂ। ਬੀਕਾਨੇਰ, ਲਖਨਊ, ਅਜਮੇਰ, ਜੈਪੁਰ, ਪਈਆਂ ਭਾਜੜਾਂ ਜਮਨਾ ਤੋਂ ਪਾਰ ਮੀਆਂ। ਚੱਲੀ ਸਭ ਪੰਜਾਬ ਦੀ ਬਾਦਸ਼ਾਹੀ, ਨਹੀਂ ਦਲਾਂ ਦਾ ਅੰਤ ਸ਼ੁਮਾਰ ਮੀਆਂ। ਸ਼ਾਹ ਮੁਹੰਮਦਾ ਕਿਸੇ ਨਾ ਅਟਕਣਾ ਈਂ, ਸਿੰਘ ਰਹਿਣਗੇ ਦਿੱਲੀ ਨੂੰ ਮਾਰ ਮੀਆਂ।(੬੩)"
- Shah Mohammed (Jangnama)

Who killed Bhai Jagwinder Singh (Bittu) of Belgium ?

May 14, 2006
Author/Source: Gurpreet Singh Mullanpur


ਰਿਬੈਰੋ ਨੂੰ ਸਿੱਖੀ ਜਲਾਲ ਵਿਖਾਉਣ ਵਾਲੇ ਭਾਈ ਬਿੱਟੂ ਦਾ ਕਤਲ ਕਿਸਨੇ ਕੀਤਾ?

ਸਿੱਖ ਸੰਘਰਸ਼ ਨੂੰ ਕੁਚਲਣ ਲਈ ਦਿੱਲੀ ਦਰਬਾਰ ਨੇ ਜੋ ਸਿੱਖ-ਮਾਰੂ ਨੀਤੀਆਂ ਬਣਾਈਆਂ ਸਨ ਉਨ੍ਹਾਂ ਨੂੰ ਲਾਗੂ ਕਰਨ ਲਈ ਭਾਰਤ-ਭਰ ਦੇ ਜ਼ਾਲਮ ਤੇ ਬੁੱਚੜ ਪੁਲਿਸੀਆਂ ਨੂੰ ਪੰਜਾਬ ਲਿਆਂਦਾ ਗਿਆ। ਇਥੇ ਆਲਮ ਸੈਨਾ ਵਰਗੇ ਕਈ ਟੋਲੇ ਕਾਇਮ ਕੀਤੇ ਗਏ ਜਿਨ੍ਹਾਂ ਵਿਚ ਗੁੰਡੇ-ਬਦਮਾਸ਼, ਕਾਤਲ ਤੇ ਅਪਰਾਧੀ ਭਰਤੀ ਕਰਕੇ ਸਿੱਖ ਸੰਘਰਸ਼ ਨੂੰ ਬਦਨਾਮ ਕਰਵਾਉਣ ਲਈ ਖੁੱਲ੍ਹੀ ਛੁੱਟੀ ਦੇ ਕੇ ਛੱਡਿਆ ਗਿਆ। ਇਹ ਕਾਤਲ ਟੋਲੇ ਸਿੱਖ ਜੁਝਾਰੂਆਂ ਦੇ ਪਰਿਵਾਰਕ ਮੈਂਬਰਾਂ ਦੇ ਕਤਲ ਕਰਦੇ, ਫਿਰੌਤੀਆਂ ਲੈਂਦੇ, ਲੁੱਟਾਂ-ਖੋਹਾਂ ਕਰਦੇ ਤੇ ਧੀਆਂ-ਭੈਣਾਂ ਨਾਲ ਬਲਾਤਕਾਰ ਕਰਦੇ। ਪੁਲਿਸ ਨੇ ਸਿੱਖ ਨੌਜਵਾਨਾਂ ਨੂੰ ਘਰਾਂ, ਬੱਸਾਂ, ਸਕੂਲਾਂ-ਕਾਲਜਾਂ ਤੇ ਹੋਰਨਾਂ ਥਾਵਾਂ ਤੋਂ ਫੜਕੇ ਤਸੀਹੇ ਘਰਾਂ ਵਿਚ ਲਿਜਾਣਾ ਆਰੰਭ ਦਿੱਤਾ। ਲੱਡਾ ਕੋਠੀ, ਬਟਾਲਾ, ਮਾਲਮੰਡੀ ਅੰਮ੍ਰਿਤਸਰ ਆਦਿਕ ਬੁੱਚੜਖਾਨਿਆਂ ਵਿਚ ਸਿੱਖਾਂ ਨੂੰ ਅਲਫ ਨੰਗਾ ਕਰਕੇ ਚੱਡੇ ਪਾੜੇ ਜਾਂਦੇ, ਜੰਬੂਰਾਂ ਨਾਲ ਨਹੁੰ ਖਿੱਚੇ ਜਾਂਦੇ, ਪਿੰਡੇ ਪਾੜਕੇ ਲੂਣ-ਮਿਰਚਾਂ ਭੁੱਕੇ ਜਾਂਦੇ, ਅੱਖਾਂ ਕੱਢੀਆਂ ਜਾਂਦੀਆਂ ਤੇ ਬੋਟੀ-ਬੋਟੀ ਕਰ ਦਿੱਤੀ ਜਾਂਦੀ। ਇਸ ਨਸਲਕੁਸ਼ੀ ਦੀ ਕਮਾਂਡ ਜੇ.ਐਫ. ਰਿਬੈਰੋ ਦੇ ਹੱਥ ਸੀ। ਸਿੱਖਾਂ ਨੂੰ ਖਤਮ ਕਰਨ ਲਈ ਰਿਬੈਰੋ ਨੇ ਹੁਕਮ ਦਿੱਤਾ ਕਿ ਕਿਸੇ ਸਿੱਖ ਨੌਜਵਾਨ ਉਪਰ ਮੁਕੱਦਮਾ ਨਹੀਂ ਬਣਾਇਆ ਜਾਵੇਗਾ ਤੇ ਹਰ ਸਿੱਖ ਨੌਜਵਾਨ ਨੂੰ ਤੁਰੰਤ ਗੋਲੀ ਮਾਰੀ ਜਾਵੇਗੀ। ਇਸ ਹੁਕਮ ਨੂੰ ਮੰਨਦਿਆਂ ਪੰਜਾਬ ਅੰਦਰ ਹਕੂਮਤੀ ਮਸ਼ੀਨਰੀ ਨੇ ਸਿੱਖ ਨੌਜਵਾਨਾਂ ਦਾ ਸਿੱਧ ਕਤਲੇਆਮ ਆਰੰਭ ਦਿੱਤਾ। ਅਨੇਕਾਂ ਨੌਜਵਾਨਾਂ ਨੂੰ ਗੋਲੀ ਮਾਰੀ ਗਈ ਤੇ ਆਖਿਆ ਗਿਆ ਕਿ ‘ਮੁਕਾਬਲੇ ਵਿਚ ਅਣਪਛਾਤਾ ਮਾਰਿਆ ਗਿਆ’। ਅਨੇਕਾਂ ਸਿੱਖਾਂ ਨੂੰ ਦੁਰਗਿਆਣੇ ਦੇ ਸ਼ਮਸ਼ਾਨਘਾਟ ਵਿਚ ਸਾੜ ਦਿੱਤਾ ਗਿਆ ਤੇ ਹੋਰਨਾਂ ਨੂੰ ਦਰਿਆਵਾਂ ਵਿਚ ਰੋੜ੍ਹ ਦਿੱਤਾ ਗਿਆ। ਸਰਕਾਰੀ ਕਾਤਲ ਗਿਰੋਹ ਸਿੰਘਾਂ ਦੇ ਭੇਸ ਵਿਚ ਬੱਸਾਂ ਵਿਚੋਂ ਕੱਢ ਕੇ ਬੇਦੋਸ਼ੇ ਲੋਕਾਂ ਨੂੰ ਮਾਰਦੇ, ਪੁਲਿਸੀਆਂ ਦੇ ਪਰਿਵਾਰਾਂ ਨੂੰ ਮਾਰਦੇ ਤੇ ਹੋਰ ਇਹੋ ਜਿਹੇ ਕਾਰੇ ਕਰਦੇ ਤਾਂ ਜੋ ਵੱਡੀ ਗਿਣਤੀ ਵਿਚ ਲੋਕ ਜੁਝਾਰੂਆਂ ਦੇ ਦੁਸ਼ਮਣ ਬਣ ਜਾਣ। ਉਂਝ ਵੀ ਮਰਨ ਵਾਲੇ ਸਾਰੇ ਸਿੱਖ ਹੀ ਹੁੰਦੇ ਸਨ। ਰਿਬੈਰੋ ਨੂੰ ਸਿੱਖਾਂ ਦੇ ਕਤਲੇਆਮ ਦਾ ਬੜਾ ਚਾਅ ਸੀ ਤੇ ਹਿਟਲਰ ਦਾ ਇਹ ਵਾਰਿਸ ਸਿੱਖੀ ਦੇ ਜਲਾਲ ਨੂੰ ਭੁੱਲ ਹੀ ਗਿਆ। ਜਦੋਂ ਜਲੰਧਰ ਵਿਚ ਸਿੰਘਾਂ ਨੇ ਰਿਬੈਰੋ ਨੂੰ ਹੱਥ ਵਿਖਾਏ ਤਾਂ ਉਹ ਅੰਦਰੋਂ ਕੰਬ ਗਿਆ। ਉਸਨੂੰ ਉਡਵਾਇਰ ਵੀ ਚੇਤੇ ਆਇਆ ਤੇ ਇੰਦਰਾ ਵੀ। ਉਸਨੂੰ ਜਾਪਿਆ ਕਿ ਵੈਦਿਆ ਵਾਂਗ ਸਿੰਘ ਮੈਨੂੰ ਵੀ ਨਹੀਂ ਛੱਡਣ ਲੱਗੇ। ਗੱਲ ਹੈ ਵੀ ਸੱਚੀ ਸੀ। ਜਿੰਨਾਂ ਧੀਆਂ ਦੇ ਸਤ ਭੰਗ ਕੀਤੇ, ਜਿਨ੍ਹਾਂ ਭੈਣਾਂ ਨੂੰ ਨਗਨ ਕਰਕੇ ਭਰਾਵਾਂ ਉਪਰ ਪਾਇਆ ਤੇ ਜਿਨ੍ਹਾਂ ਮਾਵਾਂ ਨੂੰ ਆਪਣੇ ਨਾਲ ਬਲਾਤਕਾਰ ਸਹਿਣੇ ਪਏ ਹੋਣ ਉਨ੍ਹਾਂ ਦੇ ਪਿਤਾ, ਭਰਾ ਤੇ ਪਤੀ ਕਦੋਂ ਟਿਕ ਸਕਦੇ ਸਨ। ਰਿਬੈਰੋ ਨੇ ਭਾਰਤੀ ਹਕੂਮਤ ਦਾ ਮਿੰਨਤ-ਤਰਲਾ ਕੀਤਾ ਤਾਂ ਉਸਨੂੰ ਦੁਨੀਆਂ ਦੇ ਸੁਰੱਖਿਅਤ ਮੁਲਕ ਰੋਮਾਨੀਆਂ ਵਿਚ ਰਾਜਦੂਤ ਲਾ ਦਿੱਤਾ ਗਿਆ। ਆਪਣੇ ਵਲੋਂ ਤਾਂ ਰਿਬੈਰੋ ਨੇ ਸਿੱਖ ਕੌਮ ਨਾਲ ਲੁਕਣ-ਮੀਚੀ ਖੇਡੀ ਸੀ ਪਰ ਅਸਲ ਵਿਚ ਹੋਣੀ ਨੇ ਉਸਨੂੰ ਰੋਮਾਨੀਆ ਲਿਆ ਵਾੜਿਆ ਸੀ।

ਪੰਜਾਬ ਵਿਚ ਰਿਬੈਰੋ ਵਲੋਂ ਅਰੰਭੇ ਕਤਲੇਆਮ ਤੋਂ ਬਚਾਉਣ ਲਈ ਕਈ ਮਾਪਿਆਂ ਨੇ ਆਪਣੇ ਜਵਾਨ ਪੁੱਤ ਦੂਜੇ ਮੁਲਕਾਂ ਨੂੰ ਭੇਜ ਦਿੱਤੇ ਸਨ। ਇਹ ਨੌਜਵਾਨ ਆਪਣੀਆਂ ਜਾਨਾਂ ਬਚਾ ਕੇ ਵਿਦੇਸ਼ਾਂ ਵਿਚ ਆ ਤਾਂ ਗਏ ਪਰ ਵਿਦੇਸ਼ੀ ਚਮਕ-ਦਮਕ ਦਾ ਅਸਰ ਇਨ੍ਹਾਂ ਉਪਰ ਨਹੀਂ ਹੋ ਸਕਿਆ। ਉਨ੍ਹਾਂ ਨੂੰ ਹਰ ਵਕਤ ਉਸ ਸੰਤਾਪ ਦਾ ਧਿਆਨ ਰਹਿੰਦਾ ਜਿਹੜਾ ਸੰਤਾਪ ਪੰਜਾਬ ਵਿਚ ਉਨ੍ਹਾਂ ਦੀ ਕੌਮ, ਰਿਸ਼ਤੇਦਾਰ ਤੇ ਪਰਿਵਾਰਕ ਮੈਂਬਰ ਹੰਢਾ ਰਹੇ ਸਨ। ਇਹੋ ਜਿਹਾ ਹੀ ਇਕ ਸਿੱਖ ਨੌਜਵਾਨ ਜਗਵਿੰਦਰ ਸਿੰਘ ਬਿੱਟੂ ਸੀ ਜੋ ਕਿ ਪਿੰਡ ਰਕਬਾ ਜ਼ਿਲ੍ਹਾ ਲੁਧਿਆਣਾ ਦਾ ਵਾਸੀ ਸੀ। ਮਾਤਾ ਚਰਨਜੀਤ ਕੌਰ ਪਿਤਾ ਦਲੀਪ ਸਿੰਘ ਦੇ ਚਾਰ ਪੁੱਤਰਾਂ ਵਿਚੋਂ ਸਭ ਤੋਂ ਛੋਟੇ ਇਸ ਪੁੱਤਰ ਨੇ ਸੁਧਾਰ ਕਾਲਜ ਤੋਂ ਪੜਾਈ ਆਰੰਭੀ। ਅਤੇ ਬਾਅਦ ਵਿਚ ਉਹ ਇੰਜੀਨੀਅਰਿੰਗ ਦੀ ਪੜ੍ਹਾਈ ਕਰਨ ਚੰਡੀਗੜ੍ਹ ਚਲਾ ਗਿਆ। ਪੰਜਾਬ ਵਿਚ ਚੱਲ ਰਹੇ ਸਰਕਾਰੀ ਅੱਤਵਾਦ ਦਾ ਅਸਰ ਇਸ ਨੌਜਵਾਨ ਉਪਰ ਵੀ ਹੋਇਆ। ਹਰ ਇਕ ਨੌਜਵਾਨ ਵਾਂਗੂੰ ਉਸਨੂੰ ਜਾਪਿਆ ਕਿ ਕਦੇ ਨਾ ਕਦੇ ਮੈਨੂੰ ਵੀ ਕੋਈ ਪੁਲਿਸ ਦੀ ਗੱਡੀ ਚੁੱਕ ਲਵੇਗੀ ਤੇ ਕਿਤੇ ਝੂਠਾ ਮੁਕਾਬਲਾ ਬਣਾ ਦਿੱਤਾ ਜਾਵੇਗਾ। ਉਨ੍ਹੀਂ ਦਿਨੀਂ ਪੰਜਾਬ ਵਿਚ ਆਮ ਵਰਤਾਰਾ ਸੀ। ਪਰਿਵਾਰ ਦੀ ਸਲਾਹ ਨਾਲ ਬਿੱਟੂ ਵੀ ਆਪਣੀ ਜਾਨ ਬਚਾਉਣ ਲਈ ਕਿਸੇ ਬਾਹਰਲੇ ਮੁਲਕ ਲਈ ਘਰੋਂ ਤੁਰ ਪਿਆ। ਥਾਈਲੈਂਡ, ਜਰਮਨੀ ਹੁੰਦਾ ਹੋਇਆ ਉਹ ਸਵਿਟਜਰਲੈਂਡ ਪਹੁੰਚਿਆ। ਪਰ ਪੰਜਾਬ ਦੇ ਹਾਲਾਤ ਇਕ ਪਲ ਲਈ ਵੀ ਉਸਦੇ ਮਨ ਤੋਂ ਲਾਂਭੇ ਨਹੀਂ ਹੁੰਦੇ ਸਨ। ਸਵਿਟਜਰਲੈਂਡ ਰਹਿੰਦਿਆਂ ਹੀ ਜਗਵਿੰਦਰ ਸਿੰਘ ਬਿੱਟੂ ਸੀ ਸਾਂਝ ਪ੍ਰਗਟ ਸਿੰਘ ਪੁੱਤਰ ਸਾਧੂ ਸਿੰਘ, ਪਿੰਡ ਨਿੱਝਰ ਜ਼ਿਲ੍ਹਾ ਕਪੂਰਥਲਾ ਤੇ ਜਗਰਾਜ ਸਿੰਘ ਪੁੱਤਰ ਹਰਗਿੰਦਰ ਸਿੰਘ ਪਿੰਡ ਸਮਾਲਸਰ, ਜ਼ਿਲ੍ਹਾ ਫਰੀਦਕੋਟ ਨਾਲ ਹੋਈ। ਇਕੋ ਜਿਹੇ ਵਿਚਾਰਾਂ ਵਾਲੇ ਇਨ੍ਹਾਂ ਸਿੱਖ ਨੌਜਵਾਨਾਂ ਦੇ ਮਨ ਅੰਦਰ ਸਿੱਖਾਂ ਧੱਕੇ ਕਰਨ ਵਾਲਿਆਂ ਖਿਲਾਫ ਜ਼ਬਰਦਸਤ ਰੋਹ ਸੀ। ਜਦੋਂ ਉਨ੍ਹਾਂ ਨੂੰ ਰਿਬੈਰੋ ਦਾ ਰੋਮਾਨੀਆ ਵਿਚ ਹੋਣ ਦਾ ਪਤਾ ਲੱਗਾ ਤਾਂ ਉਨ੍ਹਾਂ ਇਸ ਪਾਪੀ ਨੂੰ ਸਜ਼ਾ ਦੇਣ ਦੀ ਵਿਉਂਤ ਬਣਾਈ। ਅੰਤ 20 ਅਗਸਤ 1991 ਨੂੰ ਸਿੰਘਾਂ ਦਾ ਕਹਿਰ ਰਿਬੈਰੋ ਉਪਰ ਟੁੱਟ ਗਿਆ। ਗੁਰਪਾਲ ਸਿੰਘ ਉਰਫ ਮਨਦੀਪ ਸਿੰਘ ਨੇ ਸ਼ਾਮੀ 5:15 ’ਤੇ ਜਿਉਂ ਹੀ ਵਾਕੀ-ਟਾਕੀ ’ਤੇ ਸਿਗਨਲ ਦਿੱਤਾ ਤਾਂ ਝੱਟ ਹੀ ਦਸਮੇਸ਼ ਪਿਤਾ ਦੇ ਯੋਧੇ ਜਗਵਿੰਦਰ ਸਿੰਘ, ਜੁਗਰਾਜ ਸਿੰਘ, ਪ੍ਰਗਟ ਸਿੰਘ ਅਤੇ ਬਲਵਿੰਦਰ ਸਿੰਘ ਨੇ ਆਪਣੀ ਕਾਰ ਰਿਬੈਰੋ ਦੀ ਕਾਰ ਪਿਛੇ ਲਗਾ ਦਿੱਤੀ। ਢੁਕਵੇਂ ਅਸਥਾਨ ’ਤੇ ਪਹੁੰਚਦਿਆਂ ਹੀ ਜੁਗਰਾਜ ਸਿੰਘ ਨੇ ਰਿਬੈਰੋ ਦੇ ਗੋਲੀ ਮਾਰੀ ਬਾਕੀ ਸਾਥੀ ਵੀ ਫਾਇਰ ਕਰਨ ਲੱਗੇ। ਰਿਬੈਰੋ ਦੇ ਚੂਲੇ ਵਿਚ ਗੋਲੀ ਲੱਗੀ ਪਰ ਉਹ ਉਹ ਭੱਜ ਕੇ ਸਾਹਮਣੇ ਘਰ ਵਿਚ ਜਾ ਵੜਿਆ। ਇਸ ਮੌਕੇ ਸਮਾਲਸਰ ਵਾਲਾ ਜੁਗਰਾਜ ਸਿੰਘ ਰਿਬੈਰੋ ਦੇ ਸੁਰੱਖਿਆ ਕਰਮਚਾਰੀਆਂ ਹੱਥੋਂ ਸ਼ਹੀਦ ਹੋ ਗਿਆ। ਬਲਵਿੰਦਰ ਸਿੰਘ ਅਤੇ ਗੁਰਪਾਲ ਸਿੰਘ ਬਚ ਕੇ ਨਿਕਲ ਗਏ ਅਤੇ ਜਗਵਿੰਦਰ ਤੇ ਪ੍ਰਗਟ ਸਿੰਘ ਗ੍ਰਿਫਤਾਰ ਹੋ ਗਏ। ਰਿਬੈਰੋ ਬਚ ਤਾਂ ਗਿਆ ਪਰ ਉਸਦੀ ਜੂਨ ਮਰਿਆਂ ਵਰਗੀ ਹੋ ਗਈ। ਉਹ ਹਿਲਣ-ਡੁੱਲਣੋਂ ਵੀ ਗਿਆ ਤੇ ਮੰਜੇ ’ਤੇ ਪਿਆ ਆਪਣੀਆਂ ਕਰਤੂਤਾਂ ਉਪਰ ਰੋਂਦਾ ਰਿਹਾ ਤੇ ਲੇਖਾ ਦਿੰਦਾ ਰਿਹਾ। ਉਸਦੀ ਪੁਸ਼ਤ-ਪਨਾਹੀ ਹੇਠ ਕਤਲ ਕੀਤੇ ਗਏ ਮਾਸੂਮ ਅਤੇ ਬੇਦੋਸ਼ੇ ਸਿੱਖਾਂ ਦਾ ਲਹੂ ਉਸਨੂੰ ਇਕ ਪਲ ਵੀ ਸੌਣ ਨਹੀਂ ਦਿੰਦਾ ਸੀ।

ਜਦੋਂ ਰੁਮਾਨੀਆ ਵਿਚ ਰਿਬੈਰੋ ਉਪਰ ਹਮਲੇ ਦੀ ਖ਼ਬਰ ਪੰਜਾਬ ਵਿਚ ਅਤੇ ਭਾਰਤ ਵਿਚ ਪਹੁੰਚੀ ਤਾਂ ਹਕੂਮਤੀ ਪੁਰਜੇ ਹੱਕੇ-ਬੱਕੇ ਰਹਿ ਗਏ। ਹਕੂਮਤੀ ਮਸ਼ੀਨਰੀ ਨੇ ਇਨ੍ਹਾਂ ਸਿੰਘਾਂ ਦੇ ਪਰਿਵਾਰਾਂ ਉਤੇ ਹੱਲਾ ਬੋਲ ਦਿੱਤਾ। ਪੰਜਾਬ ਦੀ ਪੁਲਿਸ ਨੂੰ ਜਗਵਿੰਦਰ ਸਿੰਘ ਬਿੱਟੂ ਦੇ ਪਿੰਡ ਵਗੈਰਾ ਦਾ ਕੁਝ ਪਤਾ ਨਹੀਂ ਸੀ ਲੱਗ ਰਿਹਾ ਕਿਉਂਕਿ ਉਸਨੂੰ ਸਾਰੇ ‘ਚੰਡੀਗੜ੍ਹੀਆ’ ਆਖਦੇ ਹੁੰਦੇ ਸਨ। ਡੇਢ ਦੋ ਮਹੀਨੇ ਮਗਰੋਂ ਮੁੱਲਾਂਪੁਰ ਥਾਣੇ ਦੀ ਪੁਲਿਸ ਨੂੰ ਪਤਾ ਲੱਗਾ ਕਿ ਜਗਵਿੰਦਰ ਸਿੰਘ ਦਾ ਪਿੰਡ ਰਕਬਾ ਹੈ। ਪੁਲਿਸ ਨੇ ਉਸਦੇ ਪਿਤਾ ਦਲੀਪ ਸਿੰਘ ਤੇ ਭਰਾ ਹਰਮਿੰਦਰ ਸਿੰਘ ਨੂੰ ਗ੍ਰਿਫਤਾਰ ਕਰ ਲਿਆ। ਪੁਲਿਸ ਪ੍ਰੇਸ਼ਾਨ ਸੀ ਕਿ ਸਾਨੂੰ ਇਸ ‘ਖਾੜਕੂ’ ਬਾਰੇ ਕੁਝ ਵੀ ਕਿਉਂ ਪਤਾ ਨਹੀਂ? ਦੂਜੇ ਪਾਸੇ ਪਰਿਵਾਰਕ ਮੈਂਬਰ ਵੀ ਹੈਰਾਨ ਸਨ ਕਿਉਂਕਿ ਇਥੇ ਪੰਜਾਬ ਰਹਿੰਦੇ ਵਕਤ ਤਾਂ ਭਾਈ ਬਿੱਟੂ ਦੀ ਸੰਘਰਸ਼ ਪੱਖੀ ਸੋਚ ਦਾ ਕਦੇ ਪਤਾ ਨਹੀਂ ਸੀ ਲੱਗਿਆ। ਅੱਕ-ਥੱਕ ਕੇ ਪੁਲਿਸ ਨੇ ਪਿਉ-ਪੁੱਤਰ ਨੂੰ ਛੱਡ ਦਿੱਤਾ। ਪਰ ਪਿੰਡ ਤੇ ਇਲਾਕੇ ਦੇ ਲੋਕ ਭਾਈ ਬਿੱਟੂ ’ਤੇ ਹੈਰਾਨ ਸਨ ਕਿਉਂਕਿ ਉਸਦੇ ਸਾਊ ਤੇ ਸ਼ਰੀਫ ਸੁਭਾਅ ਕਾਰਨ ਕੋਈ ਵੀ ਇਹ ਗੱਲ ਸੋਚ ਨਹੀਂ ਸੀ ਸਕਦਾ। ਪਰ ਰਿਬੈਰੋ ਦੇ ਜ਼ੁਲਮਾਂ ਤੋਂ ਜਾਣੂੰ ਹਰ ਵਿਅਕਤੀ ਨੇ ਭਾਈ ਬਿੱਟੂ ਤੇ ਉਸਦੇ ਸਾਥੀਆਂ ਦੇ ਕਾਰਨਾਮੇ ਤੇ ਰੱਜਕੇ ਮਾਣ ਕੀਤਾ। ਭਾਈ ਬਿੱਟੂ ਤੇ ਪ੍ਰਗਟ ਸਿੰਘ ਨੇ ਰੁਮਾਨੀਆ ਦੀ ਅਦਾਲਤ ਵਿਚ ਰਿਬੈਰੋ ਤੇ ਭਾਰਤੀ ਹਕੂਮਤ ਦੇ ਜ਼ੁਲਮਾਂ ਦਾ ਪਾਜ ਖੋਲ੍ਹਕੇ ਆਖਿਆ ਕਿ ਸਾਨੂੰ ਸਾਡੇ ਕੀਤੇ ਐਕਸ਼ਨ ਉਤੇ ਕੋਈ ਅਫਸੋਸ ਜਾਂ ਪਛਤਾਵਾ ਨਹੀਂ।
ਜਦੋਂ ਜੁਝਾਰੂ ਸਿੰਘਾਂ ਨੇ ਭਾਰਤ ਵਿਚ ਰੁਮਾਨੀਆ ਦੇ ਰਾਜਦੂਤ ਰਾਡੂ ਨੂੰ ਅਗਵਾ ਕੀਤਾ ਅਤੇ ਉਸਨੂੰ ਪੰਜਾਬ ਲਿਆ ਕੇ ਭਾਰਤੀ ਹਕੂਮਤ ਦੇ ਕੀਤੇ ਹੋਏ ਜ਼ੁਲਮਾਂ ਤੋਂ ਜਾਣੂੰ ਕਰਵਾਇਆ ਤਾਂ ਸੱਥਾਂ ਵਿਚ ਲੋਕ ਆਖਦੇ ਸਨ ਕਿ ਸ਼ਾਇਦ ਰਿਬੈਰੋ ਉਤੇ ਰੁਮਾਨੀਆ ਵਿਚ ਹਮਲਾ ਕਰਨ ਵਾਲੇ ਨੌਜਵਾਨ ਰਾਡੂ ਬਦਲੇ ਛੁਡਵਾ ਲਏ ਜਾਣਗੇ। ਪਰ ਰੁਮਾਨੀਆ ਦੀ ਅਦਾਲਤ ਨੇ ਇਨ੍ਹਾਂ ਦੋਹਾਂ ਸਿੰਘਾਂ ਨੂੰ ਸਜ਼ਾਵਾਂ ਦਿੱਤੀਆਂ। ਸਜ਼ਾਵਾਂ ਭੁਗਤ ਕੇ ਇਹ ਦੋਵੇਂ ਸਿੰਘ ਬੈਲਜ਼ੀਅਮ ਆ ਗਏ। ਭਾਈ ਬਿੱਟੂ ਬੈਲਜੀਅਮ ਦੇ ਗੁਰਦੁਆਰਾ ਸਿੰਤਰੂਦਨ ਦੀ ਪ੍ਰਬੰਧਕ ਕਮੇਟੀ ਦਾ ਪ੍ਰਧਾਨ ਥਾਪਿਆ ਗਿਆ। ਪੰਜ ਕੁ ਵਰ੍ਹੇ ਪਹਿਲਾਂ ਭਾਈ ਬਿੱਟੂ ਦਾ ਗੁਰਮੀਤ ਕੌਰ ਨਾਲ ਅਨੰਦ ਕਾਰਜ ਹੋਇਆ। ਪ੍ਰਮਾਤਮਾ ਨੇ ਉਨ੍ਹਾਂ ਦੇ ਘਰ ਇਕ ਧੀ ਹਰਲੀਨ ਕੌਰ ਤੇ ਪੁੱਤਰ ਸ਼ਹਿਬਾਜ ਸਿੰਘ ਦੀ ਦਾਤ ਬਖਸ਼ੀ। 18 ਅਪ੍ਰੈਲ ਸੋਮਵਾਰ ਦੇ ਰਾਤੀਂ 10 ਵਜੇ ਭਾਈ ਬਿੱਟੂ ਆਪਣੇ ਪੀ.ਸੀ.ਓ. ਵਿਚ ਕਿਸੇ ਨਾਲ ਆਪਣੇ ਧਿਆਨ ਟੈਲੀਫੋਨ ਕਰ ਰਹੇ ਸਨ ਕਿ ਇਕ ਨਕਾਬਪੋਸ਼ ਨੇ ਉਨ੍ਹਾਂ ਦੇ ਸਿਰ ਵਿਚ ਦੋ ਗੋਲੀਆਂ ਮਾਰੀਆਂ ਡਾਕਟਰ ਦੇ ਆਉਣ ਤਕ ਭਾਈ ਬਿੱਟੂ ਚੜ੍ਹਾਈ ਕਰ ਗਏ ਸਨ। ਇਸ ਕਤਲ ਦੀ ਖ਼ਬਰ ਸੁਣਦਿਆਂ ਹੀ ਪੰਥਕ ਜਥੇਬੰਦੀਆਂ ਦੇ ਆਗੂ ਬੈਲਜ਼ੀਅਮ ਪਹੁੰਚਣੇ ਸ਼ੁਰੂ ਹੋ ਗਏ। ਉਨ੍ਹਾਂ ਦੀ ਮ੍ਰਿਤਕ ਦੇਹ ਨੂੰ ਉਨ੍ਹਾਂ ਦੇ ਜੱਦੀ ਪਿੰਡ ਰਕਬਾ ਲਿਜਾਣ ਦੇ ਉਪਰਾਲੇ ਕੀਤੇ ਗਏ ਪਰ ਜਦੋਂ ਲੱਗ ਨਾ ਬਣੀ ਤਾਂ 29 ਅਪ੍ਰੈਲ ਨੂੰ ਬੈਲਜੀਅਮ ਵਿਖੇ ਹੀ ਸਸਕਾਰ ਕਰ ਦਿੱਤਾ ਗਿਆ। ਇਸ ਮੌਕੇ ਪੰਜਾਬ ਤੋਂ ਉਨ੍ਹਾਂ ਦੇ ਮਾਤਾ ਚਰਨਜੀਤ ਕੌਰ ਤੇ ਪਿਤਾ ਦਲੀਪ ਸਿੰਘ, ਤੋਂ ਇਲਾਵਾ ਹੋਰ ਵੀ ਕਈ ਪਰਿਵਾਰਕ ਮੈਂਬਰ ਪਹੁੰਚ ਚੁੱਕੇ ਸਨ। ਪਹਿਲਾਂ ਹੀ ਆਰੰਭ ਕੀਤੇ ਗਏ ਪਾਠ ਦੇ ਭੋਗ ਪਾਏ ਗਏ ਅਤੇ ਪੰਥਕ ਜਥੇਬੰਦੀਆਂ ਨੇ ਇਸ ਸੂਰਮੇ ਸਿੰਘ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕੀਤੇ। ਬਹੁਤ ਸਾਰੇ ਜੁਝਾਰੂ ਲਹਿਰ ਨਾਲੋਂ ਟੁੱਟ ਕੇ ਵਿਦੇਸ਼ਾਂ ਵਿਚ ਵਸ ਗਏ ਹਨ ਪਰ ਭਾਈ ਬਿੱਟੂ ਉਨ੍ਹਾਂ ਵਿਰਲਿਆਂ ਵਿਚੋਂ ਇਕ ਸੀ ਜੋ ਵਿਦੇਸ਼ ਵਿਚ ਵਸਣ ਮਗਰੋਂ ਲਹਿਰ ਨਾਲ ਜੁੜਿਆ। ਇਹ ਵੀ ਇਕ ਮੌਕਾ ਮੇਲ ਹੀ ਹੈ ਕਿ 29 ਅਪ੍ਰੈਲ 1986 ਨੂੰ ਅਕਾਲ ਤਖ਼ਤ ਸਾਹਿਬ ਤੋਂ ‘ਖ਼ਾਲਿਸਤਾਨ’ ਦਾ ਐਲਾਨ ਹੋਇਆ ਸੀ ਤੇ 29 ਅਪ੍ਰੈਲ ਨੂੰ ਹੀ ਭਾਈ ਬਿੱਟੂ ਦਾ ਅੰਤਿਮ ਸਸਕਾਰ ਹੋਇਆ।

- ਗੁਰਪ੍ਰੀਤ ਸਿੰਘ ਮੁੱਲਾਂਪੁਰ

Views and opinion expressed in guest editorials/columns are of the author and do not necessarily reflect the view or opinion of Panthic.org or Khalsa Press.

Comments

 

Disclaimer: Panthic.org does not necessarily endorse the views and opinions voiced in the feedback from our readers, and cannot be held responsible for their views.

Background and Psyche of Anti-Sikh Events of 1984 & the RSS : Video Interview with Bhai Ratinder Singh

Akaal Channel's interview with Panthic.org Senior Editor Bhai Ratinder Singh regarding anti-Sikh events in 1983, and 1984 in Indore Madhya Pardes and the RSS Psyche
Read Full Article


RECENT ARTICLE & FEATURES

ਜਪੁਜੀ ਸਾਹਿਬ ਅਤੇ ਜਾਪੁ ਸਾਹਿਬ: ਤੁਲਨਾਤਮਕ ਪਰਿਪੇਖ

 

‘ਜਾਪੁ ਸਾਹਿਬ’ ਸ੍ਰੀ ਦਸਮ ਗ੍ਰੰਥ ਦੀ ਇਕ-ਇਕ ਅਜਿਹੀ ਰਚਨਾ ਹੈ, ਜਿਸਨੂੰ ਸਿੱਖ ਧਰਮ ਦੇ ਮਾਹਿਰ, ਦਾਰਸ਼ਨਿਕ, ਸਾਹਿਤ-ਇਤਿਹਾਸਕਾਰ ਅਤੇ ਆਲੋਚਕ ਇਕ ਮੱਤ ਹੋ ਕੇ ਦਸਮੇਸ਼ ਪਿਤਾ ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੁਆਰਾ ਰਚਿਤ ਬਾਣੀ ਦੇ ਰੂਪ ਵਿਚ ਸਤਿਕਾਰ ਅਤੇ ਸਵੀਕਾਰ ਕਰਦੇ ਹਨ।...

Read Full Article

੧੭ ਅਕਤੂਬਰ ੧੭੬੨ ਦੀਵਾਲੀ ਦਾ ਦਿਨ ਤੇ ਜੰਗ

 

ਇਹ ਲੇਖ ਲੜੀਆਂ ਛੋਟਾ ਘੱਲੂਘਾਰਾ, ਅਬਦਾਲੀ ਸਿੱਖ ਤੇ ਵਡਾ ਘੱਲੂਘਾਰਾ, ਅਤੇ ਮੁਗ਼ਲ ਰਾਜੇਆਂ ਦੁਆਰਾ ਕੀਤੇ ਦੇ ਸਿਰਲੇਖਾਂ ਹੇਠ ਲੜੀਵਾਰ ਸੂਰਾ ਮਾਸਿਕ ਪੱਤਰ ਵਿਚ ਲੰਬੇ ਅਰਸੇ ਤਕ ਸ਼ਿੰਗਾਰ ਰਹੇ ਹਨ। ਸਿੱਖ ਸੰਗਤਾਂ ਅਤੇ ਪਾਠਕਾਂ ਦੀ ਵਿਸ਼ੇਸ਼ ਮੰਗ ਤੇ ਛੋਟਾ ਘੱਲੂਘਾਰਾ ਲੇਖ ਲੜੀ ਨੂੰ ਪਹਿਲੇ ਘੱਲੂਘਾਰੇ ਦੇ ਨਾਮ ਹੇਠ ਅਤੇ ਅਬਦਾਲੀ ਸਿੱਖ ਅਤੇ ਵੱਡੇ ਘੱਲੂਘਾਰਾ ਲੇਖ ਲੜੀ ਨੂੰ ਅਬਦਾਲੀ ਸਿੱਖ ਅਤੇ ਵੱਡਾ ਘੱਲੂਘਾਰਾ ਨਾਂ ਹੇਠ ਹੀ ਕਿਤਾਬਾਂ ਦੇ ਰੂਪ ਵਿਚ ਪ੍ਰਕਾਸ਼ਿਤ ਕੀਤਾ ਜਾ ਚੁਕਿਆ ਹੈ। ...

Read Full Article

ਪ੍ਰੇਮ ਸਿੰਘ ਦਾ 'ਝੁਲਸਿਆ ਸ਼ਹਿਰ'

 

ਆਰਟਿਸਟ ਪ੍ਰੇਮ ਸਿੰਘ ਲਈ ਚਿੱਤਰਕਲਾ ਇੱਕ ਖ਼ਾਮੋਸ਼ ਨਿਰੰਤਰ ਪ੍ਰਕਿਰਿਆ ਹੈ। ਚੰਡੀਗੜ੍ਹ ਦੇ ਸਰਕਾਰੀ ਆਰਟ ਕਾਲਜ ਦੇ ਸਾਬਕਾ ਪ੍ਰਿੰਸੀਪਲ ਪ੍ਰੇਮ ਸਿੰਘ ਨੇ ੧੯੮੪ ਵਿੱਚ ਦਿੱਲੀ 'ਚ ਪੈਰ ਪਾਇਆ ਤਾਂ ਸ਼ਹਿਰ ਸੜ ਰਿਹਾ ਸੀ। ਮਨ ਮਸਤਕ 'ਤੇ ਅਸਰਅੰਦਾਜ਼ ਹੋਏ ਇਸ ਕਤਲੇਆਮ ਨੇ ਉਸ ਨੂੰ 'ਸਕਾਰਡ ਸਿਟੀ' ਨਾਂ ਦੀ ਚਿੱਤਰ ਲੜੀ ਸ਼ੁਰੂ ਕਰਨ ਦੇ ਰਾਹ ਪਾਇਆ। ਇਸੇ ਲੜੀ ਦੇ ਇੱਕ ਚਿੱਤਰ ਬਾਰੇ ਦੱਸਦੀ ਹੈ ਇਹ ਰਚਨਾ।...

Read Full Article

ਰੂਪਾਕਾਰ ਦੀ ਦ੍ਰਿਸ਼ਟੀ ਤੋਂ ਚੰਡੀ ਦੀ ਵਾਰ

 

ਸਾਹਿਤਕ ਵਿਸ਼ੇਸ਼ਤਾਈਆਂ ਦੇ ਆਧਾਰ 'ਤੇ ਇਸ ਵਾਰ ਨੂੰ ਪੰਜਾਬੀ ਦੀ ਸ਼੍ਰੋਮਣੀ ਵਾਰ ਮੰਨਿਆ ਜਾ ਸਕਦਾ ਹੈ। ਜਿਥੇ ਅਧਿਆਤਮਕ ਵਾਰਾਂ ਨੇ ਪੰਜਾਬੀਆਂ ਦੇ ਜੀਵਨ ਵਿਚ ਭਾਰੀ ਤਬਦੀਲੀ ਲਿਆਂਦੀ ਉਥੇ ਗੁਰੂ ਗੋਬਿੰਦ ਸਿੰਘ ਜੀ ਨੇ ਚੰਡੀ ਦੀ ਵਾਰ ਬੀਰ ਰਸ ਵਿਚ ਰਚ ਕੇ ਹਥਿਆਰਬੰਦ ਸੰਘਰਸ਼ ਨੂੰ ਨਵਾਂ ਮੋੜ ਦਿੱਤਾ ਤੇ ਸਿੱਟੇ ਵਜੋਂ ਇਸ ਸੰਘਰਸ਼ ਨੇ ਰਾਜ ਪ੍ਰਬੰਧ ਤੇ ਸਮਾਜ ਨੂੰ ਤਬਦੀਲ ਕਰਕੇ ਰੱਖ ਦਿੱਤਾ।...

Read Full Article

ਜਾਪੁ ਸਾਹਿਬ : ਵਿਸ਼ਾਗਤ ਪਾਸਾਰ

 

‘ਜਾਪ ਸਾਹਿਬ’ ਦਾ ਪ੍ਰਮੁੱਖ ਵਿਸ਼ਾ ਅਮਾਲ ਪੁਰਖ ਦੇ ਗੁਣਾਂ ਦੀ ਉਸਤਤਿ ਜਾਂ ਸਿਫ਼ਤ-ਸਲਾਹ ਕਰਨਾ ਹੈ। ਇਸ ਪ੍ਰਯੋਜਨ ਹਿਤ ਜਾਪੁ ਸਾਹਿਬ ਦੇ ਪਾਠ ਵਿਚ ਸਦੀਵੀ ਸੱਚ ਦਾ ਪ੍ਰਵਚਨ ਸਿਰਜਣ ਲਈ ਵਿਸ਼ੇਸ਼ਣਾਂ ਦੀ ਵਰਤੋਂ ਕੀਤੀ ਗਈ ਹੈ। ਇਨ੍ਹਾਂ ਵਿਸ਼ੇਸ਼ਣਾਂ ਦਾ ਸੰਬੰਧ ਵਜੂਦ-ਰਹਿਤ ਅਕਾਲ ਪੁਰਖ ਦੀ ਵਜੂਦਾਤਮਿਕਤਾ ਨੂੰ ਮਾਨਵੀ ਪ੍ਰਤੱਖਣ ਦੇ ਘੇਰੇ ਵਿੱਚ ਲਿਆਉਣਾ ਹੈ। ਪਾਠ ਦੇ ਇਨ੍ਹਾਂ ਵਿਸ਼ੇਸ਼ਣੀ ਵਰਣਨਾਤਮਕ ਵੇਰਵਿਆਂ ਰਾਹੀਂ ਜਿਹੜੇ ਭਾਵ ਉਜਾਗਰ ਹੁੰਦੇ ਹਨ, ਉਨ੍ਹਾਂ ਦੇ ਆਧਾਰ ਤੇ ਜਾਪੁ ਸਾਹਿਬ ਦੀਆਂ ਵਿਸ਼ਾਗਤ ਵਿਸ਼ੇਸ਼ਤਾਵਾਂ ਵੇਖੀਆਂ ਜਾ ਸਕਦੀਆਂ ਹਨ। ...

Read Full Article

ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੁਆਰਾ ਵਰਤਾਏ ਗਏ ਦੋ ਅਚਰਜ ਕੌਤਕ

 

ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ੫੫੦ ਸਾਲਾਂ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ ...

Read Full Article

ਨਸ਼ੇ ਦੇ ਆਦੀ ਮਰੀਜ਼ ਦਾ ਇਲਾਜ ਕਿਵੇਂ ਹੋਵੇ? Part 3 of 3

 

ਸਾਹਿਬ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਮਹਾਰਾਜ ਦੁਆਰਾ ਸਮੁੱਚੀ ਮਨੁੱਖਤਾ ਦੇ ਕਲਿਆਣ ਲਈ ਅਵਤਰਿਤ ਹੋਈ ਗੁਰਬਾਣੀ, ਗੁਰਮਤਿ ਵਿਚਾਰਧਾਰਾ, ਸਿੱਖ ਇਤਿਹਾਸ, ਸਿੱਖ ਰਹਿਤਨਾਮੇ, ਸਿੱਖ ਸਿਧਾਂਤ, ਗੁਰਮਤਿ ਰਹਿਤ ਨੇ ਮਨੁੱਖ ਨੂੰ ਇਕ ਅਕਾਲ ਪੁਰਖ ਦੀ ਪ੍ਰੇਮਾ ਭਗਤੀ ਨਾਲ ਜੋੜਿਆ ਅਤੇ ਉਸ ਦੀ ਮਾਨਸਿਕ, ਬੌਧਿਕ ਅਤੇ ਆਤਮਕ ਅਵਸਥਾ ਨੂੰ ਗਰਕ ਕਰਨ ਵਾਲੇ ਨਸ਼ਿਆਂ ਤੋਂ ਵਰਜਿਤ ਰੱਖਿਆ। ਅਫਸੋਸ ਨਸ਼ਿਆਂ ਦੇ ਰੋਜ ਨਿੱਤ ਨਵੇਂ ਸਰੂਪ ਸੋਚੀ ਸਮਝੀ ਸਾਜ਼ਸ ਅਧੀਨ ਮੁਹੱਈਆ ਕਰਾਏ ਜਾ ਰਹੇ ਹਨ। ਨਸ਼ਿਆਂ ਦੇ ਇਸ ਜਹਰੀਲੇ ਪ੍ਰਭਾਵ ਨੂੰ ਡਾਕਟਰ ਹਰਸ਼ਿੰਦਰ ਕੌਰ ਦੁਆਰਾ ਲਿਖੇ ਗਏ ਤਿੰਨ ਖੋਜ ਪੂਰਕ ਲੇਖਾਂ ਦੇ ਰੂਪ ਵਿੱਚ ਪਾਠਕਾਂ ਦੀ ਸੇਵਾ ਲਈ ਪ੍ਰਕਾਸ਼ਿਤ ਕਰ ਰਹੇ ਹਾਂ।...

Read Full Article

ਨਵੇਂ ਕਿਸਮ ਦੇ ਨਸ਼ਿਆਂ ਵਿਚ ਹੋ ਰਹੀ ਮਿਲਾਵਟ ਬਾਰੇ ਜਾਰੀ ਹੋ ਚੁੱਕੀਆਂ ਚੇਤਾਵਨੀਆਂ Part 2 of 3

 

ਸਾਹਿਬ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਮਹਾਰਾਜ ਦੁਆਰਾ ਸਮੁੱਚੀ ਮਨੁੱਖਤਾ ਦੇ ਕਲਿਆਣ ਲਈ ਅਵਤਰਿਤ ਹੋਈ ਗੁਰਬਾਣੀ, ਗੁਰਮਤਿ ਵਿਚਾਰਧਾਰਾ, ਸਿੱਖ ਇਤਿਹਾਸ, ਸਿੱਖ ਰਹਿਤਨਾਮੇ, ਸਿੱਖ ਸਿਧਾਂਤ, ਗੁਰਮਤਿ ਰਹਿਤ ਨੇ ਮਨੁੱਖ ਨੂੰ ਇਕ ਅਕਾਲ ਪੁਰਖ ਦੀ ਪ੍ਰੇਮਾ ਭਗਤੀ ਨਾਲ ਜੋੜਿਆ ਅਤੇ ਉਸ ਦੀ ਮਾਨਸਿਕ, ਬੌਧਿਕ ਅਤੇ ਆਤਮਕ ਅਵਸਥਾ ਨੂੰ ਗਰਕ ਕਰਨ ਵਾਲੇ ਨਸ਼ਿਆਂ ਤੋਂ ਵਰਜਿਤ ਰੱਖਿਆ। ਅਫਸੋਸ ਨਸ਼ਿਆਂ ਦੇ ਰੋਜ ਨਿੱਤ ਨਵੇਂ ਸਰੂਪ ਸੋਚੀ ਸਮਝੀ ਸਾਜ਼ਸ ਅਧੀਨ ਮੁਹੱਈਆ ਕਰਾਏ ਜਾ ਰਹੇ ਹਨ। ਨਸ਼ਿਆਂ ਦੇ ਇਸ ਜਹਰੀਲੇ ਪ੍ਰਭਾਵ ਨੂੰ ਡਾਕਟਰ ਹਰਸ਼ਿੰਦਰ ਕੌਰ ਦੁਆਰਾ ਲਿਖੇ ਗਏ ਤਿੰਨ ਖੋਜ ਪੂਰਕ ਲੇਖਾਂ ਦੇ ਰੂਪ ਵਿੱਚ ਪਾਠਕਾਂ ਦੀ ਸੇਵਾ ਲਈ ਪ੍ਰਕਾਸ਼ਿਤ ਕਰ ਰਹੇ ਹਾਂ।...

Read Full Article

ਨਸ਼ਿਆਂ ਦੀਆਂ ਨਵੀਆਂ ਕਿਸਮਾਂ : Part 1 of 3

 

ਸਾਹਿਬ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਮਹਾਰਾਜ ਦੁਆਰਾ ਸਮੁੱਚੀ ਮਨੁੱਖਤਾ ਦੇ ਕਲਿਆਣ ਲਈ ਅਵਤਰਿਤ ਹੋਈ ਗੁਰਬਾਣੀ, ਗੁਰਮਤਿ ਵਿਚਾਰਧਾਰਾ, ਸਿੱਖ ਇਤਿਹਾਸ, ਸਿੱਖ ਰਹਿਤਨਾਮੇ, ਸਿੱਖ ਸਿਧਾਂਤ, ਗੁਰਮਤਿ ਰਹਿਤ ਨੇ ਮਨੁੱਖ ਨੂੰ ਇਕ ਅਕਾਲ ਪੁਰਖ ਦੀ ਪ੍ਰੇਮਾ ਭਗਤੀ ਨਾਲ ਜੋੜਿਆ ਅਤੇ ਉਸ ਦੀ ਮਾਨਸਿਕ, ਬੌਧਿਕ ਅਤੇ ਆਤਮਕ ਅਵਸਥਾ ਨੂੰ ਗਰਕ ਕਰਨ ਵਾਲੇ ਨਸ਼ਿਆਂ ਤੋਂ ਵਰਜਿਤ ਰੱਖਿਆ। ਅਫਸੋਸ ਨਸ਼ਿਆਂ ਦੇ ਰੋਜ ਨਿੱਤ ਨਵੇਂ ਸਰੂਪ ਸੋਚੀ ਸਮਝੀ ਸਾਜ਼ਸ ਅਧੀਨ ਮੁਹੱਈਆ ਕਰਾਏ ਜਾ ਰਹੇ ਹਨ। ਨਸ਼ਿਆਂ ਦੇ ਇਸ ਜਹਰੀਲੇ ਪ੍ਰਭਾਵ ਨੂੰ ਡਾਕਟਰ ਹਰਸ਼ਿੰਦਰ ਕੌਰ ਦੁਆਰਾ ਲਿਖੇ ਗਏ ਤਿੰਨ ਖੋਜ ਪੂਰਕ ਲੇਖਾਂ ਦੇ ਰੂਪ ਵਿੱਚ ਪਾਠਕਾਂ ਦੀ ਸੇਵਾ ਲਈ ਪ੍ਰਕਾਸ਼ਿਤ ਕਰ ਰਹੇ ਹਾਂ।...

Read Full Article