A Panthic Network - Khalsa Press Publication, ISSN: 1930-0107

PANTHIC.org


"ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਵਿਰੁੱਧ ਕੁਫ਼ਰ ਤੋਲਣ ਵਾਲੇ, ਗੁਰੂ ਸਾਹਿਬਾਨ ਦੇ ਵਿਰੁੱਧ ਬੋਲਣ ਵਾਲੇ ਨੂੰ ਸੋਧਣਾ ਹਰ ਗੁਰਸਿੱਖ ਦਾ ਫ਼ਰਜ਼ ਹੈ। ਇਹੋ ਜਿਹੇ ਸਿੱਖ ਨੂੰ ਜੇ ਸਰਕਾਰ ਅਤਿਵਾਦੀ ਕਹਿੰਦੀ ਹੈ ਤਾਂ ਮੈਂ ਅਤਿਵਾਦੀ ਹਾਂ।"
- Bhai Ranjit Singh (Jathedar Sri Akal Takht Sahib)

Karja : Sukha - Jinda (Poem)

Author/Source: Bibi Nirmaljit Kaur

'ਕਰਜਾ'

ਮਾਰੀ ਸੁੱਖੇ ਨੇ ਜਿੰਦੇ ਨੂੰ ਆਵਾਜ ਕਹਿੰਦਾ, ਚੱਲ ਵੀਰਨਾ ਪੰਧ ਮੁਕਾ ਆਈਏ ।
ਚੜ੍ਹੇ ਸੀ ਚੁਰਾਸੀ ਵਿਚ ਜੋ ਸਿਰ ਸਾਡੇ, ਚੱਲ ਰਲ ਕੇ ਉਹ ਕਰਜੇ ਲਾਹ ਆਈਏ ।
ਬਾਜਾਂ ਵਾਲੇ ਨੇ ਅੰਮ੍ਰਿਤ ਦੀ ਪਾਹੁਲ ਪੀ ਕੇ, ਕਿੰਨੀਆਂ ਕਿਸ਼ਤਾਂ ਵਿਚ ਕਰਜ ਉਤਾਰਿਆ ਸੀ ।
ਪਾ ਕੇ ਨੀਹਾਂ ‘ਚ ਜਿਗਰ ਦਾ ਖੂਨ ਆਪਣਾ, ਉਹਨਾਂ ਸਿੱਖੀ ਦਾ ਮਹਿਲ ਉਸਾਰਿਆ ਸੀ ।
ਚਲੋ ਆਪਾਂ ਵੀ ਅੱਜ ਉਸ ਮਹਿਲ ਅੱਗੇ, ਬੂਟਾ ਇਕ ਤੇ ਸ਼ਹੀਦੀ ਦਾ ਲਾ ਆਈਏ ।
ਚੜ੍ਹੇ ਸੀ ਚੁਰਾਸੀ ਵਿਚ ਜੋ ਸਿਰ ਸਾਡੇ, ਚੱਲ ਰਲ ਕੇ ਉਹ ਕਰਜੇ ਲਾਹ ਆਈਏ ।

ਰੱਖੀਂ ਨਿਗਾਹ ‘ਚ ਢੱਠੇ ਅਕਾਲ ਤਾਈਂ, ਵੈਰੀ ਆਏ ਸੀ ਜਦੋਂ ਮਾਰੋ-ਮਾਰ ਕਰਦੇ ।
ਦੁੱਧ ਚੁੰਘਦੇ ਬਾਲਾਂ ਨੂੰ ਬਖਸ਼ਿਆ ਨਾ, ਗੋਲੀ ਕਿਵੇਂ ਸੀ ਜਿਗਰ ‘ਚੋਂ ਪਾਰ ਕਰਦੇ ।
ਉਹਨਾਂ ਮਾਵਾਂ ਦੀਆਂ ਤਪਦੀਆਂ ਛਾਤੀਆਂ ਤੇ, ਠੰਡਕ ਆਪਣੇ ਖੂਨ ਨਾਲ ਪਾ ਆਈਏ ।
ਚੜ੍ਹੇ ਸੀ ਚੁਰਾਸੀ ਵਿਚ ਜੋ ਸਿਰ ਸਾਡੇ, ਚੱਲ ਰਲ ਕੇ ਉਹ ਕਰਜੇ ਲਾਹ ਆਈਏ ।

ਦਿਲ ਪਿਆ ਤੜਫਦਾ ਦਿੱਲੀ ਦਿਆਂ ਦੰਗਿਆਂ ਤੋਂ, ਪਾ ਕੇ ਟਾਇਰ ਜੋ ਜਿਊਂਦੇ ਸਾੜ ਦਿੱਤੇ ।
ਜਿਹੜੇ ਕਾਤਿਲ ਨੇ ਉਹਨਾਂ ਵੀਰਨਾ ਦੇ, ਲੱਭਣੇ ਪੈਣੇ ਉਹ ਰਹਿੰਦੇ ਕਰਾੜ ਕਿੱਥੇ ।
ਚੁਣ-ਚੁਣ ਕੇ ਉਹਨਾਂ ਕਾਤਿਲਾਂ ਦੇ, ਭਾਜੀ ਮੋੜ ਕੇ ਨਿਉਂਦੇ ਪਾ ਆਈਏ ।
ਚੜ੍ਹੇ ਸੀ ਚੁਰਾਸੀ ਵਿਚ ਜੋ ਸਿਰ ਸਾਡੇ, ਚੱਲ ਰਲ ਕੇ ਉਹ ਕਰਜੇ ਲਾਹ ਆਈਏ ।

ਅੱਗੋਂ ਜਿੰਦੇ ਨੇ ਕਿਹਾ ਕਿ ਚੱਲ ਵੀਰਾ, ਬੜਾ ਬੋਝ ਏ ਮੇਰੀ ਵੀ ਆਤਮਾ ਤੇ ।
ਪਿੱਛੇ ਮੁੜ ਕੇ ਨਾ ਵੇਖੀਂ ਹੁਣ ਪਿੰਡ ਕਿੱਥੇ, ਸਭ ਛੱਡਦੇ ਉਸ ਪ੍ਰਮਾਤਮਾ ਤੇ ।
ਲੈ ਕੇ ਟਿਕਟ ਦਸ਼ਮੇਸ਼ ਦੀ ਲਾਟਰੀ ਦੀ, ਚੱਲ ਆਪਾਂ ਵੀ ਕਿਸਮਤ ਅਜਮਾ ਆਈਏ ।
ਚੜ੍ਹੇ ਸੀ ਚੁਰਾਸੀ ਵਿਚ ਜੋ ਸਿਰ ਸਾਡੇ, ਚੱਲ ਰਲ ਕੇ ਉਹ ਕਰਜੇ ਲਾਹ ਆਈਏ ।

ਦੇਖਾਂ ਜਦੋਂ ਵੀ ਨਹਿਰ ਦੇ ਪੁਲਾਂ ਤਾਈਂ, ਲਾਸ਼ਾਂ ਰੁੜਦੀਆਂ ਕਈ ਨਜਰ ਆ ਜਾਵਣ ।
ਜਿਨ੍ਹਾਂ ਇੱਜਤਾਂ ਲੁਟਾ ਜਿੰਦ ਦੇ ਦਿੱਤੀ, ਸਾਹਵੇਂ ਖੜ ਕੇ ਉਹ ਦਿਲ ਤੜਫਾ ਜਾਵਣ ।
ਲਾਹਨਤ ਪਾ ਕੇ ਜੋ ਸੁਫਨੇ ‘ਚ ਮੰਗਦੀਆਂ ਨੇ, ਚੱਲ ਰੱਖੜੀ ਦਾ ਹਿਸਾਬ ਮੁਕਾ ਆਈਏ ।
ਚੜ੍ਹੇ ਸੀ ਚੁਰਾਸੀ ਵਿਚ ਜੋ ਸਿਰ ਸਾਡੇ, ਚੱਲ ਰਲ ਕੇ ਉਹ ਕਰਜੇ ਲਾਹ ਆਈਏ ।

ਬਣਿਆ ਜੱਗ ਦਾ ਇਹੀ ਦਸਤੂਰ ਆਇਆ, ਕਰਜਾ ਕੌਮ ਦਾ ਸੂਰਮੇ ਹੀ ਲਾਹਵਦੇਂ ਨੇ ।
ਮਿਲੇ ਆਜਾਦੀ ਕਦੇ ਨਾ ਕੱਤ ਚਰਖਾ, ਯੋਧੇ ਸਿਰ ਤੇ ਆਜਾਦੀ ਵਿਆਂਵਦੇਂ ਨੇ ।
ਕਰਜਾ ਚੜ ਗਿਆ ਅੱਜ ਫਿਰ ਕੌਮ ਉਤੇ, ਕਿਸ਼ਤ ਆਪਣੇ ਹਿੱਸੇ ਦੀ ਲਾਹ ਆਈਏ ।
ਚੜ੍ਹੇ ਸੀ ਚੁਰਾਸੀ ਵਿਚ ਜੋ ਸਿਰ ਸਾਡੇ, ਚੱਲ ਰਲ ਕੇ ਉਹ ਕਰਜੇ ਲਾਹ ਆਈਏ ।

ਦਿੱਤਾ ਹੁਕਮ ਜਿਸ ਤਖਤ ਨੂੰ ਢਾਹੁਣ ਦੇ ਲਈ,
ਸਾਜੀ ਸੀ ਜੋ ਪਿਤਾ ਦਸਮੇਸ਼ ਜੀ ਨੇ, ਉਸ ਕੌਮ ਦਾ ਖੁਰਾ ਮਿਟਾਉਣ ਦੇ ਲਈ,
ਚੱਲ ਵੀਰਨਾ ਪੂਨੇ ਦਾ ਰਾਹ ਫੜ ਲੈ, ਸੋਧਾ ਵੈਦਿਆ ਦੇ ਤਾਈਂ ਸਮਝਾ ਆਈਏ ।
ਪਾਪੀ ਵੈਰੀਆਂ ਤਾਈਂ ਸਮਝਾ ਆਈਏ ।
ਚੜ੍ਹੇ ਸੀ ਚੁਰਾਸੀ ਵਿਚ ਜੋ ਸਿਰ ਸਾਡੇ, ਚੱਲ ਰਲ ਕੇ ਉਹ ਕਰਜੇ ਲਾਹ ਆਈਏ ।

ਪਾ ਗਲਵਕੜੀ ਮਿਲੇ ਫੇਰ ਵੀਰ ਦੋਨੋਂ, ਜਿਹੜੇ ਤੁਰੇ ਸੀ ਮੌਤ ਵਿਆਉਣ ਦੇ ਲਈ ।
ਬੜਾ ਨੂਰ ਸੀ ਉਹਨਾਂ ਦੇ ਮੁਖੜਿਆਂ ਤੇ, ਦਿਲਾਂ ‘ਚ ਚਾਅ ਸੀ ਸ਼ਹਾਦਤਾਂ ਪਾਉਣ ਦੇ ਲਈ ।
ਦਾਖਲਾ ਲਿਆ ਦਸਮੇਸ਼ ਦੇ ਸਕੂਲ ਅੰਦਰ, ਨਾਲ ਹੌਸਲੇ ਪਰਚਾ ਵੀ ਪਾ ਆਈਏ ।
ਚੜ੍ਹੇ ਸੀ ਚੁਰਾਸੀ ਵਿਚ ਜੋ ਸਿਰ ਸਾਡੇ, ਚੱਲ ਰਲ ਕੇ ਉਹ ਕਰਜੇ ਲਾਹ ਆਈਏ ।

ਉਏ ਉਠੋ ਵੀਰਨੋ ਨੀਂਦ ਤੋਂ ਸੁਤਿਓ ਵੇ, ਗਿੱਦੜ ਵੜੇ ਨੇ ਘਰਾਂ ਵਿੱਚ ਆ ਥੋਡੇ ।
ਇਹ ਜੋ ਹੱਥ ਦਸਤਾਰਾਂ ਤੱਕ ਆ ਗਏ ਨੇ, ਗਾਟੇ ਮੋਢਿਓ ਦੇਣਗੇ ਲਾਹ ਥੋਡੇ ।
ਉਏ ਕਰੂ ਸਮਾਂ ਨਾ ਕਦੇ ਉਡੀਕ ਤੁਹਾਡੀ, ਉਏ ਚਲੋ ਆਪਾਂ ਵੀ ਭੁੱਲ ਬਖਸ਼ਾ ਆਈਏ ।
ਜਿੰਦਾ ਅਜੇ ਵੀ ਪੁੱਤ ਦਸਮੇਸ਼ ਦੇ ਨੇ, ਉਹ ਪਾਪਣ ਦਿੱਲੀ ਤਾਈਂ ਸਮਝਾ ਆਈਏ ।
ਚੜ੍ਹੇ ਸੀ ਚੁਰਾਸੀ ਵਿਚ ਜੋ ਸਿਰ ਸਾਡੇ, ਚੱਲ ਰਲ ਕੇ ਉਹ ਕਰਜੇ ਲਾਹ ਆਈਏ ।


Comments

 

Disclaimer: Panthic.org does not necessarily endorse the views and opinions voiced in the feedback from our readers, and cannot be held responsible for their views.

Background and Psyche of Anti-Sikh Events of 1984 & the RSS : Video Interview with Bhai Ratinder Singh

Akaal Channel's interview with Panthic.org Senior Editor Bhai Ratinder Singh regarding anti-Sikh events in 1983, and 1984 in Indore Madhya Pardes and the RSS Psyche
Read Full Article


RECENT ARTICLE & FEATURES

ਭਾਰਤ 'ਚ ਫੈਲੇ ਨਸ਼ਿਆਂ ਦੇ ਅੱਤਵਾਦ ਦੀ ਅਸਲੀਅਤ

 

ਭਾਰਤ ਦੇ ਹਾਕਮਾਂ ਵਲੋਂ ਪੰਜਾਬ ਦੀ ਜਵਾਨੀ ਨੂੰ ਸਦਾ ਲਈ ਨਿੱਸਲ ਕਰਨਾ ਅਤੇ ਸਾਹਸੱਤਹੀਣ ਕਰਨ ਲਈ ਇੱਥੇ ਨਸ਼ਿਆਂ ਦਾ ਐਸਾ ਹੜ੍ਹ ਵਗਾਇਆ ਹੈ ਕਿ ਅੱਜ ਪੰਜਾਬ ਨੂੰ ਨਸ਼ੇੜੀ ਪੰਜਾਬ ਕਹਿ ਕੇ ਪੁਕਾਰਿਆ ਜਾ ਰਿਹਾ ਹੈ। ਅੱਜ ਇਹ ਖਬਰਾਂ ਮੀਡੀਆ ਦਾ ਸ਼ਿੰਗਾਰ ਬਣ ਰਹੀਆਂ ਹਨ ਕਿ ਜੇਹੜੇ ਨੌਜਵਾਨ ਪੰਜਾਬ ਛੱਡ ਕੇ ਵਿਦੇਸ਼ ਜਾ ਰਹੇ ਹਨ ਉਹੀ ਬਚ ਸਕਣਗੇ ਬਾਕੀ ਸਭ ਨਸ਼ਿਆਂ ਦੀ ਭੇਂਟ ਚੜ੍ਹ ਕੇ ਖ਼ਤਮ ਹੋ ਜਾਣਗੇ।...

Read Full Article

ਜਿਨ੍ਹਾਂ ਸਿਦਕ ਨਹੀਂ ਹਾਰਿਆ...

 

ਗੁਰੂ ਗੋਬਿੰਦ ਸਿੰਘ ਜੀ ਨੇ ਸਿੱਖ ਨੂੰ ਅੰਮ੍ਰਿਤਪਾਨ ਕਰਵਾ ਕੇ ਸਿੰਘ ਸਜਾਇਆ ਤਾਂ ਨਾਨਕ ਪੰਥ' ਦੀ ਦਿਸ਼ਾ ਅਤੇ ਦਸ਼ਾ ਵਿੱਚ ਅਮੋੜ ਪਰਿਵਰਤਨ ਹੋਇਆ। ਉਂਝ ਬਦਲਾਅ ਦੀ ਰੀਤ ਗੁਰੂ ਹਰਿਗੋਬਿੰਦ ਜੀ ਦੇ ਵੇਲੇ ਹੀ ਸ਼ੁਰੂ ਹੋ ਗਈ ਸੀ ਜਦੋਂ ਉਨ੍ਹਾਂ ਨੇ ਮੀਰੀ ਤੇ ਪੀਰੀ ਦੀਆਂ ਦੋ ਕਿਰਪਾਨਾਂ ਧਾਰਨ ਕੀਤੀਆਂ ਸਨ। ਦਸਮ ਪਾਤਸ਼ਾਹ ਤੋਂ ਬਾਅਦ ਬਾਬਾ ਬੰਦਾ ਸਿੰਘ ਬਹਾਦਰ ਨੇ ਸਿੱਖ ਜਲੋਅ ਨੂੰ ਮੁੜ ਸਥਾਪਤ ਕਰਨ ਦਾ ਉਪਰਾਲਾ ਕੀਤਾ। ਉਨਾਂ ਦੀ ਸ਼ਹੀਦੀ ਮਗਰੋਂ ਸਿੱਖਾਂ ਉਪਰ ਜ਼ੁਲਮ ਵਧਦੇ ਹੀ ਗਏ। ਮੀਰ ਮੰਨੂੰ ਸਿੱਖਾਂ ਉੱਪਰ ਜ਼ੁਲਮ ਕਮਾਉਣ ਵਿੱਚ ਮੋਹਰੀ ਬਣ ਕੇ ਉੱਭਰਿਆ। ਉਹ ੧੭੪੮ ਤੋਂ ੧੭੫੩ ਤੱਕ ਲਾਹੌਰ ਅਤੇ ਮੁਲਤਾਨ ਦਾ ਗਵਰਨਰ ਰਿਹਾ।...

Read Full Article

ਹਿੰਦੀ , ਹਿੰਦੂ, ਹਿੰਦੁਸਤਾਨ ਬਨਾਮ ਬ੍ਰਹਿਮੰਡੀ ਗੁਰਮਤਿ ਵਿਚਾਰਧਾਰਾ

 

ਆਰੀਆ ਸਮਾਜੀ ਅਤੇ ਸਨਾਤਨ ਧਰਮੀਆਂ ਦੇ ਹਿੰਦੂ ਸ਼ਬਦ ਬਾਰੇ ਵੱਖੋ ਵੱਖਰੇ ਵਿਚਾਰ ਹਨ। ਆਰੀਆ ਸਮਾਜੀ ਇਸ ਸਬੰਧੀ ਗਿਆਸਨਾਮੀ ਕੋਸ਼ ਅਤੇ ਕਸੱਫਨਾਮੀ ਕੋਸ਼ ਦੇ ਹਵਾਲੇ ਦੇਕੇ ਆਪਣੇ ਆਪ ਨੂੰ ਹਿੰਦੂ ਅਖਵਾਉਣ ਦੀ ਬਜਾਏ ਆਰੀਆ ਸਮਾਜੀ ਅਖਵਾਉਣਾ ਪਸੰਦ ਕਰਦੇ ਹਨ। ਉਨ੍ਹਾਂ ਦਾ ਵਿਚਾਰ ਹੈ ਕਿ ਗਿਆਸਨਾਮੀ ਕੋਸ਼ ਵਿੱਚ ਲਿਖਿਆ ਹੈ ਕਿ "ਹਿੰਦੁ ਬਕਸਰ ਗੁਲਾਮ ਵ ਬੰਦਹ ਕਾਫ਼ਿਰ ਵ ਤੇਰਾ" ਭਾਵ ਹਿੰਦੂ ਦਾ ਅਰਥ ਗੁਲਾਮ, ਕੈਦੀ, ਕਾਫ਼ਿਰ ਅਤੇ ਤਲਵਾਰ ਹੈ। ਅਤੇ ਕਸੱਫਨਾਮੀ ਕੋਸ਼ ਅਨੁਸਾਰ "ਚੇ ਹਿੰਦੁ ਇ ਕਾਫ਼ਿਰ ਚੇ ਕਾਫ਼ਿਰ ਕਾਫ਼ਿਰ ਰਹਜਨ" ਭਾਵ ਹਿੰਦੁ ਕੀ ਹੈ? ਹਿੰਦੁ ਕਾਫ਼ਿਰ ਹੈ। ਕਾਫ਼ਿਰ ਕੀ ਹੈ? ਕਾਫ਼ਿਰ ਰਹਜਨ ਹੈ। ਰਹਜਨ ਕੀ ਹੈ? ਰਹਜਨ ਇਮਾਨ 'ਤੇ ਡਾਕਾ ਮਾਰਨ ਵਾਲਾ ਹੈ। ...

Read Full Article

ਭਾਈ ਤਾਰੂ ਸਿੰਘ

 

ਭਾਈ ਤਾਰੂ ਸਿੰਘ ਦਾ ਨਾਮ ਸਿੱਖ ਸ਼ਹੀਦਾਂ ਵਿੱਚ ਸਤਿਕਾਰ ਨਾਲ ਲਿਆ ਜਾਂਦਾ ਹੈ। ਸਿੱਖ ਗੁਰੂਆਂ, ਚਾਰ ਸਾਹਿਬਜ਼ਾਦਿਆਂ, ਚਾਲੀ ਮੁਕਤਿਆਂ ਦੇ ਨਾਲ ਨਾਲ, ਬੰਦ-ਬੰਦ ਕਟਵਾਇਆ (ਭਾਈ ਮਨੀ ਸਿੰਘ), ਖੋਪੜੀਆਂ ਲੁਹਾਈਆਂ (ਭਾਈ ਤਾਰੂ ਸਿੰਘ), ਚਰੱਖੜੀਆਂ ਤੇ ਚੜੇ (ਸਰਦਾਰ ਸੁਬੇਗ ਸਿੰਘ ਅਤੇ ਸ਼ਾਬਾਜ਼ ਸਿੰਘ) ਸਿੱਖ ਅਰਦਾਸ ਦਾ ਅਟੁੱਟਵਾਂ ਅੰਗ ਹੈ।...

Read Full Article

ਬੰਦ ਬੰਦ ਕਟਾਉਣ ਵਾਲੇ ਭਾਈ ਮਨੀ ਸਿੰਘ

 

ਬਾਬਾ ਦੀਪ ਸਿੰਘ ਦੀ ਸ਼ਹਾਦਤ ਤੋਂ ਜਲਦ ਬਾਅਦ ਵਿਦਵਾਨ, ਯੋਧਾ ਅਤੇ ਅੰਮ੍ਰਿਤਸਰ ਦੀ ਮਰਿਆਦਾ ਬੰਨ੍ਹਣ ਵਾਲੇ ਸਿੰਘ ਭਾਈ ਮਨੀ ਸਿੰਘ (੧੬੧੪-੧੭੩੭) ਨੂੰ ਵੀ ਸ਼ਹੀਦ ਕਰ ਦਿੱਤਾ ਗਿਆ। ਚਿਤੇਰੇ ਕਿਰਪਾਲ ਸਿੰਘ ਨੇ ਬੰਦ ਬੰਦ ਕੱੱਟੇ ਜਾਣ ਦੇ ਸਮੇਂ ਨੂੰ ਚਿਤਵਦਿਆਂ ਇੱਕ ਚਿੱਤਰ ਤਿਆਰ ਕੀਤਾ ਜੋ ੧੯੫੭ ਦਾ ਬਣਿਆ ਹੋਇਆ ਹੈ। ਇਹ ਤੇਤੀ ਗੁਣਾਂ ਤਰਤਾਲੀ ਇੰਚ ਦਾ ਹੈ। ਭਾਈ ਮਨੀ ਸਿੰਘ ਦੀ ਸ਼ਹੀਦੀ ਦਰਸਾਉਣ ਵਾਲਾ ਸੰਭਵ ਤੌਰ 'ਤੇ ਇਹ ਪਹਿਲਾ ਚਿੱਤਰ ਹੈ। ਇਸ ਦਾ ਮਹੱਤਵ ਇਹ ਵੀ ਹੈ ਕਿ ਕਿਸੇ ਦੂਜੇ ਫ਼ਨਕਾਰ ਨੇ ਇਸ ਤ੍ਰਾਸਦੀ ਨੂੰ ਵਿਸ਼ਾ ਬਣਾ ਕੇ ਆਪਣੇ ਫ਼ਨ ਦਾ ਮੁਜ਼ਾਹਰਾ ਨਹੀਂ ਕੀਤਾ। ਭਾਈ ਮਨੀ ਸਿੰਘ ਦੇ ਬਚਪਨ ਦਾ ਨਾਂ ਮਨੀ ਰਾਮ (ਮਨੀਆ ਵੀ ਕਹਿ ਲੈਂਦੇ ਸਨ) ਸੀ। ਪਿਤਾ ਰਾਓ ਮਾਈ ਦਾਸ ਅਤੇ ਮਾਤਾ ਮਦਰੀ ਬਾਈ (ਲੱਖੀ ਸ਼ਾਹ ਵਣਜਾਰਾ ਦੀ ਧੀ) ਸੀ। ਮਨੀ ਰਾਮ ਆਪਣੇ ਬਾਰਾਂ ਭਰਾਵਾਂ ਵਿੱਚੋਂ ਇੱਕ ਸੀ।...

Read Full Article

ਸੇਵਾ ਦਾ ਆਦਰਸ਼ ਰੂਪ ਭਾਈ ਘਨੱਈਆ ਜੀ

 

ਸੇਵਾ ਨੂੰ ਸਿੱਖ ਧਰਮ ਵਿੱਚ ਖ਼ਾਸ ਮਹੱਤਵ ਪ੍ਰਾਪਤ ਹੈ। ਇਸ ਦੀ ਸ਼ੂਰਆਤ ਗੁਰੂ ਨਾਨਕ ਦੇਵ ਤੋਂ ਹੀ ਹੋ ਗਈ ਸੀ, ਜਦੋਂ ਪਿਤਾ ਮਹਿਤਾ ਕਲਿਆਣ ਦਾਸ ਨੇ ਉਨ੍ਹਾਂ ਨੂੰ ਵਪਾਰ ਸ਼ੁਰੂ ਕਰਨ ਲਈ ਵੀਹ ਰੁਪਏ ਦਿੱਤੇ ਸਨ। ਗੁਰੂ ਨਾਨਕ ਦੇਵ ਜੀ ਤੋਂ ਬਾਅਦ ਹੋਰ ਸਾਰੇ ਗੁਰੂ ਸਾਹਿਬਾਨ ਨੇ ਇਸ ਰੀਤ ਨੂੰ ਹੋਰ ਦ੍ਰਿੜ੍ਹ ਕੀਤਾ। ਗੁਰੂ ਗੋਬਿੰਦ ਸਿੰਘ ਜੀ ਤਕ ਪਹੁੰਚਦਿਆਂ-ਪਹੁੰਚਦਿਆਂ ਇਸ ਦਾ ਦਾਇਰਾ ਹੋਰ ਵਸੀਹ ਹੋ ਗਿਆ। ...

Read Full Article

ਪੁਸਤਕ ਸਮੀਖਿਆ ਗੁਜਰਾਤ ਫਾਈਲਾਂ :- ਪਰਦਾਪੋਸ਼ੀ ਦੀ ਚੀਰਫਾੜ

 

ਗੁਜਰਾਤ ਫਾਈਲਾਂ ਨਾਮ ਦੀ ਕਿਤਾਬ ਪੱਤਰਕਾਰ ਰਾਣਾ ਅਯੂਬ ਵਲੋਂ ਗੁਜਰਾਤ ਦੇ ਮੁਸਲਿਮ ਕਤਲੇਆਮ , ਝੂਠੇ ਪੁਲਸ ਮੁਕਾਬਲੇ ਅਤੇ ਗੁਜਰਾਤ ਦੇ ਗ੍ਰਹਿ ਮੰਤਰੀ ਹਿਰੇਨ ਪਾਂਡਿਯਾ ਦੇ ਕਤਲ ਦੀ ਛਾਨਬੀਣ ਦਾ ਵੇਰਵਾ ਹੈ । ਇਹ ਛਾਨਬੀਣ ਲੇਖਿਕਾ ਰਾਣਾ ਅਯੂਬ ਨੇ ਅਮਰੀਕਨ ਫਿਲਮਸਾਜ਼ ਮੈਥਿਲੀ ਤਿਆਗੀ ਨਾਮ ਦੀ ਲੜਕੀ ਬਣ ਕੇ 2001 ਤੋਂ 2010 ਤੱਕ ਗੁਜਰਾਤ 'ਚ ਰਹੇ ਉਚ ਪੁਲਸ ਅਫ਼ਸਰਾਂ , ਨੌਂਕਰਸ਼ਾਹਾਂ ਤੇ ਰਾਜਨੀਤਿਕਾਂ ਨਾਲ ਮੁਲਾਕਾਤਾਂ ਕਰਕੇ ਸਟਿੰਗ ਆਪ੍ਰੇਸ਼ਨ ਰਾਂਹੀ ਕੀਤੀ ਹੈ । ...

Read Full Article

ਸਿਰੁ ਧਰਿ ਤਲੀ ਗਲੀ ਮੇਰੀ ਆਉ : ਅਸਾਧਾਰਨ ਸਮੇਂ ਦਾ ਅਸਾਧਾਰਨ ਚਿਤਰਣ

 

ਸਿੱਖ ਧਰਮ ਵਿੱਚ ਸ਼ਹੀਦਾਂ ਨੂੰ ਸਤਿਕਾਰ ਨਾਲ ਯਾਦ ਕੀਤਾ ਜਾਂਦਾ ਹੈ ਅਤੇ ਬਾਬਾ ਦੀਪ ਸਿੰਘ ਦੀ ਕੁਰਬਾਨੀ ਦੀ ਦੋ ਕਾਰਨਾਂ ਕਰਕੇ ਵੱਖਰੀ ਮਹੱਤਤਾ ਹੈ। ਇੱਕ, ਉਨ੍ਹਾਂ ਅੰਮ੍ਰਿਤਸਰ ਦੀ ਪਵਿੱਤਰਤਾ ਦੀ ਮੁੜ ਬਹਾਲੀ ਵਾਸਤੇ ਲੜਦਿਆਂ ਆਪਣੇ ਪ੍ਰਾਣ ਤਿਆਗੇ। ਦੂਜਾ, ਇਹ ਬੀੜਾ ਉਨ੍ਹਾਂ ਉਸ ਸਮੇਂ ਚੁੱਕਿਆ ਜਦੋਂ ਉਹ ਪੰਝਤਰ ਸਾਲਾਂ ਦੇ ਸਨ। ਉਹ ਗੁਰੂ ਗੋਬਿੰਦ ਸਿੰਘ ਦੇ ਸੰਪਰਕ ਵਿੱਚ ਲੰਬੇ ਸਮੇਂ ਤਕ ਰਹੇ। ਉਨ੍ਹਾਂ ਆਪਣਾ ਸਮੁੱਚਾ ਜੀਵਨ ਸਿੱਖ ਧਰਮ ਦੇ ਪ੍ਰਚਾਰ ਪ੍ਰਸਾਰ ਅਤੇ ਇਸ ਦੀ ਰੱਖਿਆ ਲੇਖੇ ਲਾ ਦਿੱਤਾ। ...

Read Full Article

ਸਿਰ ਦੀਉ ਧਰ ਮੱਸੇ ਦਾ ਸਿੰਘਾਂ ਕੇ ਆਗਾਹੀ

 

ਸਿੱਖ ਕੌਮ ਦਾ ਇਤਿਹਾਸ ਸੂਰਬੀਰਾਂ ਦੇ ਵਿਲੱਖਣ ਕਾਰਨਾਮਿਆਂ ਨਾਲ ਭਰਿਆ ਪਿਆ ਹੈ। ਭਾਈ ਮਹਿਤਾਬ ਸਿੰਘ ਤੇ ਸੁੱਖਾ ਸਿੰਘ ਵੱਲੋਂ ਮੱਸੇ ਰੰਗੜ ਦਾ ਸਿਰ ਵੱਢ ਕੇ ਲਿਆਉਣਾ ਅਜਿਹਾ ਹੀ ਸਾਹਸੀ ਕਾਰਜ ਸੀ। ਚਿੱਤਰਕਾਰ ਕਿਰਪਾਲ ਸਿੰਘ ਨੇ ਇਸ ਦ੍ਰਿਸ਼ ਨੂੰ ਬਾਖ਼ੂਬੀ ਚਿਤਰਿਆ ਹੈ। ਇਤਿਹਾਸਕ ਤੱਥਾਂ ਨੂੰ ਮੁੱਖ ਰੱਖ ਕੇ ਬਣਾਏ ਗਏ ਇਸ ਚਿੱਤਰ ਬਾਰੇ ਤਫ਼ਸੀਲ ਸਹਿਤ ਜਾਣਕਾਰੀ ਦਿੰਦੀ ਹੈ ਇਹ ਰਚਨਾ। ...

Read Full Article