A Panthic Network - Khalsa Press Publication, ISSN: 1930-0107

PANTHIC.org


"ਲੱਗੀ ਧਮਕ ਸਾਰੇ ਹਿੰਦੁਸਤਾਨ ਅੰਦਰ, ਦਿੱਲੀ, ਆਗਰੇ, ਹਾਂਸੀ ਹਸਾਰ ਮੀਆਂ। ਬੀਕਾਨੇਰ, ਲਖਨਊ, ਅਜਮੇਰ, ਜੈਪੁਰ, ਪਈਆਂ ਭਾਜੜਾਂ ਜਮਨਾ ਤੋਂ ਪਾਰ ਮੀਆਂ। ਚੱਲੀ ਸਭ ਪੰਜਾਬ ਦੀ ਬਾਦਸ਼ਾਹੀ, ਨਹੀਂ ਦਲਾਂ ਦਾ ਅੰਤ ਸ਼ੁਮਾਰ ਮੀਆਂ। ਸ਼ਾਹ ਮੁਹੰਮਦਾ ਕਿਸੇ ਨਾ ਅਟਕਣਾ ਈਂ, ਸਿੰਘ ਰਹਿਣਗੇ ਦਿੱਲੀ ਨੂੰ ਮਾਰ ਮੀਆਂ।(੬੩)"
- Shah Mohammed (Jangnama)

Insa or Shaitaan

May 30, 2007
Author/Source: Bhai Jagdeep Singh Faridkot

“ਇੰਸਾਂ ਕਿ ਸ਼ੈਤਾਨ”

ਸਰਸੇ ਵਾਲੇ ਭੂਤਰੇ ਸਾਧ ਸਮੇਤ ਸਾਰੇ ਦੇਹਧਾਰੀ ਗੁਰੂ ਡੰਮ ਨੂੰ ਨੱਥ ਪਾਉਣ ਲਈ ਖਾਲਸਾ ਪੰਥ ਇੱਕ ਮੁੱਠ ਹੋਵੇ।

ਸਿਖ ਕੌਮ ਨੂੰ ਸ਼ੁਰੂ ਤੋਂ ਹੀ ਦੂਹਰੀ ਮਾਰ ਝੱਲਣੀ ਪਈ ਹੈ। ਪੰਥ ਦੋਖੀਆਂ ਵੱਲੋਂ ਤੇ ਸਮੇਂ ਦੀਆਂ ਹਕੂਮਤਾਂ ਵੱਲੋਂ। ਜਦੋਂ ਜਦੋਂ ਵੀ ਪੰਥ ‘ਤੇ ਕੋਈ ਹਮਲਾ ਹੋਇਆ ਹੈ, ਹਕੂਮਤਾਂ ਨੇ ਹਮੇਸ਼ਾਂ ਹਮਲਾ ਕਰਨ ਵਾਲਿਆਂ ਦਾ ਸਾਥ ਦਿੱਤਾ ਹੈ। “ੴ ” ਦੇ ਸਿਧਾਂਤ ‘ਤੇ ਚੱਲਣ ਵਾਲੀ ਇਹ ਕੌਮ ਬਹੁਈਸ਼ਵਰਵਾਦੀ ਵਿਚਾਰਧਾਰਾ ਨੂੰ ਮੰਨਣ ਵਾਲਿਆਂ ਦੀਆਂ ਅੱਖਾਂ ਵਿਚ ਸ਼ੁਰੂ ਤੋਂ ਰੜਕ ਰਹੀ ਹੈ, ਜਾਂ ਸਿੱਧੇ ਲਫਜ਼ਾਂ ਵਿਚ ਕਹਿ ਲਉ ਕਿ ਬਾਹਮਣ ਸਾਨੂੰ ਵੇਖ ਨਹੀਂ ਸੁਖਾਂਦਾ। ਸਮੇਂ-ਸਮੇਂ ‘ਤੇ ਸਾਡੇ ਉੱਤੇ ਵੱਡੇ ਹਮਲੇ ਕੀਤੇ ਗਏ, ਜਿਹਨਾਂ ਦਾ ਅਸੀਂ ਡਟ ਕੇ ਜਵਾਬ ਦਿੱਤਾ। ਮੁਗਲਾਂ ਨਾਲ ਸਾਡੀ ਟੱਕਰ ਜੰਗ ਦੇ ਮੈਦਾਨ ਵਿਚ ਹੀ ਰਹੀ। ਅੰਗਰੇਜ਼ਾਂ ਨਾਲ ਵੀ ਸਾਡਾ ਕੋਈ ਸਿਧਾਂਤਕ ਵਿਰੋਧ ਨਹੀਂ ਸੀ, ਪਰ 1947 ਤੋਂ ਬਾਅਦ ਹਿੰਦੂਸਤਾਨ ਦੀ ਸੱਤਾ ਉਹਨਾਂ ਦੇ ਹੱਥ ਵਿਚ ਆ ਗਈ ਜਿਹੜੇ ਸਾਡੇ ਨਾਲ ਸਿਧਾਂਤਕ ਵੈਰ ਰੱਖਦੇ ਹਨ। ਉਹਨਾਂ ਨੇ ਆਪਣਾ ਸਾਰਾ ਧਿਆਨ ਸਾਨੂੰ ਸਿਧਾਂਤਕ ਤੌਰ ‘ਤੇ ਕਮਜੋਰ ਕਰਨ ਵਿਚ ਲਗਾ ਦਿੱਤਾ।

1947 ਤੋਂ ਬਾਅਦ ਲਗਾਤਾਰ ਕੌਮ ਰਾਜਨੀਤਿਕ ਮਸਲਿਆਂ ਵਿਚ ਉਲਝੀ ਰਹੀ, ਸੋ ਅਸੀਂ ਕੌਮ ਉੱਤੇ ਲੁਕਵੇ ਢੰਗ ਨਾਲ ਹੋ ਰਹੇ ਇਹਨਾਂ ਬਾਹਮਣੀ ਹਮਲਿਆਂ ਨੂੰ ਪਛਾਣ ਨਹੀਂ ਸਕੇ। ਪੰਜਾਬੀ ਸੂਬੇ ਦੇ ਲੰਮੇ ਸੰਘਰਸ਼ ਤੋਂ ਬਾਅਦ ਹਕੂਮਤ ਵੱਲੋਂ ਕੱਟ-ਵੱਢ ਕੇ ਬਣਾਏ ਗਏ ਛੋਟੇ ਜਿਹੇ ਪੰਜਾਬ ਨੇ ਸਾਨੂੰ ਪੂਰੀ ਤਰ੍ਹਾਂ ਬੇਗਾਨਗੀ ਦਾ ਅਹਿਸਾਸ ਕਰਵਾ ਦਿੱਤਾ। ਪੰਜਾਬੀ ਸੂਬੇ ਅਤੇ ਪਿੱਛੋਂ ਐਮਰਜੈਂਸੀ ਵੇਲੇ ਸਾਡੇ ਵੱਲੋਂ ਕੀਤੇ ਗਏ ਵਿਰੋਧ ਨੇ ਹਕੂਮਤ ਨੂੰ ਵੀ ਸਾਫ ਕਰ ਦਿੱਤਾ ਕਿ ਜ਼ਾਲਮ ਚਾਹੇ ਮੁਸਲਮਾਨ ਹੋਵੇ, ਅੰਗਰੇਜ਼ ਜਾਂ ਬਾਹਮਣ ਅਸੀਂ ਹਰ ਇਕ ਦਾ ਵਿਰੋਧ ਕਰਾਂਗੇ। ਜ਼ਾਲਮ ਨੂੰ ਮੂੰਹ ‘ਤੇ ਲਲਕਾਰਨ ਦਾ ਹੌਸਲਾ ਸਾਨੂੰ ਸਾਡਾ ਸਿਧਾਂਤ ਦਿੰਦਾ ਹੈ, ਸੋ ਹਕੂਮਤ ਨੇ ਸਾਡੇ ‘ਤੇ ਸਿਧਾਂਤਕ ਹਮਲਿਆਂ ਦੀ ਤਿਆਰੀ ਕਰ ਦਿੱਤੀ।

ਸ਼ੁਰੂਆਤ ਕੀਤੀ ਗਈ ਇਕ ਨਿਰੰਕਾਰੀ ਸਾਧ ਨੂੰ ਸ਼ਹਿ ਦੇ ਕੇ। ਪਹਿਲਾਂ ਉਹਨਾਂ ਤੋਂ ਕੁਝ ਗੁਰਮਤਿ ਦੇ ਉਲਟ ਕਿਤਾਬਾਂ ਲਿਖਵਾ ਕੇ ਪ੍ਰਕਾਸ਼ਿਤ ਕਰਵਾਈਆਂ, ਤੇ ਫੇਰ ਨਿਰੰਕਾਰੀ ਗੁਰੂ ਗੁਰਬਚਨੇ ਨੂੰ ਗੁਰੂ ਸਾਹਿਬ ਦੀ ਬਰਾਬਰੀ ਕਰਨ ਲਈ ਉਕਸਾਇਆ। ਉਸ ਨੂੰ ਹਕੂਮਤ ਵੱਲੋਂ ਏਨਾ ਸਮਰਥਨ ਮਿਲਿਆ ਕਿ ਉਹ ਪੈਰ ਛੱਡ ਗਿਆ ਤੇ ਆਪਣਾ ਹਸ਼ਰ ਭੁੱਲ ਗਿਆ। ਖੈਰ ਉਸ ਤੋਂ ਬਾਅਦ ਦੇ ਸਾਰੇ ਇਤਿਹਾਸ ਤੋਂ ਅਸੀਂ ਜਾਣੂ ਹਾਂ। ਗੁਰੂ ਨੇ ਉਸ ਦੋਖੀ ਦਾ ਸਿਰ ਭੰਨਣ ਲਈ ਭਾਈ ਰਣਜੀਤ ਸਿੰਘ ਦੀ ਡਿਊਟੀ ਲਾਈ ਤੇ ਨਿਰੰਕਾਰੀ ਸਾਧ ਦੀ ਲਹੂ ਨਾਲ ਲੱਥ ਪੱਥ ਲਾਸ਼ ਸਾਰੀ ਦੁਨੀਆਂ ਨੇ ਦੇਖੀ। ਏਸ ਘਟਨਾਕ੍ਰਮ ਤੋਂ ਬਾਅਦ ਜਦੋਂ ਸਾਰੀ ਕੌਮ ਇਕ ਮੁੱਠ ਹੋ ਚੁੱਕੀ ਸੀ, ਉਸ ਵੇਲੇ ਕੌਮ ਨੂੰ ਇਕ ਸਿਆਣੇ ਸਿਖ ਲੀਡਰ ਦੀ ਲੋੜ ਸੀ, ਜੋ ਸੰਤ ਜਰਨੈਲ ਸਿੰਘ ਜੀ ਭਿਡਰਾਂਵਾਲਿਆਂ ਦੀ ਮੌਜੂਦਗੀ ਨੇ ਦੂਰ ਕਰ ਦਿੱਤੀ। ਸੰਤਾਂ ਨੇ ਦੇਹਧਾਰੀ ਗੁਰੂ ਡੰਮ ਵਿਰੁੱਧ ਉੱਠੀ ਲੋਕ ਲਹਿਰ ਨੂੰ ਸਹੀ ਸੇਧ ਦਿੱਤੀ ਅਤੇ ਸਿਖ ਸੰਗਤ ਨੂੰ ਸਮਝਾਇਆ ਕਿ ਕਿਸੇ ਦਰਖਤ ਦੇ ਖਾਤਮੇ ਲਈ ਟੱਹਣੇ ਵੱਢਣ ਨਾਲੋਂ ਜਿਆਦਾ ਜ਼ਰੂਰੀ ਹੁੰਦੈ ਉਸ ਦੀ ਜੜ੍ਹ ਨੂੰ ਪੁੱਟਣਾ। ਸੋ ਸਮੱਸਿਆ ਦੀ ਜੜ੍ਹ ਤੱਕ ਪਹੁੰਚੋ। ਸਿਖ ਹੱਕਾਂ ਲਈ ਚੱਲੀ ਉਹ ਲੜਾਈ ਲਗਾਤਾਰ 15-20 ਸਾਲ ਤੱਕ ਚੱਲਦੀ ਰਹੀ।

ਸਾਡੀ ਇਸ ਲਹਿਰ ਵਿਚ ਸਰਕਾਰ ਦਾ ਬਹੁਤ ਨੁਕਸਾਨ ਹੋਇਆ, ਇਕ ਵਾਰ ਤਾਂ ਉਹਨਾਂ ਨੂੰ ਪੰਜਾਬ ਖੁੱਸਦਾ ਵੀ ਜਾਪਿਆ। ਖੈਰ ਅੱਤ ਦੇ ਸਰਕਾਰੀ ਜ਼ੁਲਮਾਂ ਤੋਂ ਬਾਅਦ ਸਿਖ ਲਹਿਰ 1996-97 ਵਿਚ ਗੁਪਤ ਹੋ ਗਈ। ਹੁਣ ਹਕੂਮਤ ਸਮਝ ਗਈ ਸੀ ਕਿ ਕੌਮੀ ਅਜ਼ਾਦੀ ਲਈ ਚੱਲਦੀਆਂ ਐਸੀਆਂ ਲਹਿਰਾਂ ਕਦੇ ਲੰਬੇ ਸਮੇਂ ਤੱਕ ਦਬਾਈਆਂ ਨਹੀਂ ਜਾ ਸਕਦੀਆਂ, ਸੋ ਉਹਨਾਂ ਨੇ ਇਸ ਦੇ ਮੁਕੰਮਲ ਖਾਤਮੇ ਲਈ ਗੁਪਤ ਹਮਲੇ ਸ਼ੁਰੂ ਕਰ ਦਿੱਤੇ। ਅਸੱਭਿਆਚਾਰ ਅਤੇ ਨਸ਼ਿਆਂ ਦੇ ਵੱਡੇ ਹੱਲੇ ਪੰਜਾਬ ਦੀ ਧਰਤੀ ‘ਤੇ ਕੀਤੇ ਗਏ, ਜਿਹਨਾਂ ਬਾਰੇ ਚਰਚਾ ਕਦੇ ਫੇਰ ਕਰਾਂਗੇ। ਇਕ ਹੋਰ ਘਾਤਕ ਹਮਲਾ ਕੀਤਾ ਗਿਆ ਉਹ ਸੀ ਦੇਹਧਾਰੀ ਗੁਰੂਆਂ ਨੂੰ ਸ਼ਹਿ ਦੇਣ ਦਾ। ਦੇਹਧਾਰੀ, ਭਾਵੇਂ ਰਾਧਾ ਸਵਾਮੀ ਸਨ, ਨੂਰਮਹਿਲੀਏ, ਨਾਮਧਾਰੀਏ ਜਾਂ ਸਰਸੇ ਵਾਲੇ। ਸਰਕਾਰੀ ਸ਼ਹਿ ਪ੍ਰਾਪਤ ਸਰਸੇ ਦਾ ਇਕ ਸਾਧ ਗੁਰਮੀਤ ਰਾਮ ਰਹੀਮ ਹਕੂਮਤ ਦੇ ਕਾਫੀ ਫਿੱਟ ਬੈਠਾ, ਕਿਉਂ ਜੋ ਉਸ ਨਾਲ ਲੋਕ ਵੀ ਵੱਡੀ ਗਿਣਤੀ ਵਿਚ ਜੁੜੇ ਹੋਏ ਸਨ ਤੇ ਉਸ ਨੇ ਸੇਵਾ ਦੇ ਕਾਰਜ ਕਰਕੇ ਵੀ ਕਾਫੀ ਨਾਮਣਾ ਖੱਟਿਆ ਹੋਇਆ ਸੀ। ਸਿਖ ਲਹਿਰ ਨੂੰ ਖੋਰਾ ਲਾਉਣ ਲਈ ਹਕੂਮਤ ਦਾ ਇਸ ਨਾਲ ਸਮਝੌਤਾ ਹੋਇਆ, ਇਸ ਸ਼ਰਤ ‘ਤੇ ਕਿ ਅਸੀਂ ਤੇਰੇ ਉੱਤੇ ਚੱਲ ਰਹੇ ਵੱਖ ਵੱਖ 52 ਕੇਸ ਦਬਾ ਦੇਵਾਂਗੇ ਤੇ ਬਦਲੇ ਵਿਚ ਤੂੰ ਸਾਡਾ ਕੰਮ ਕਰ। ਯਾਦ ਰਹੇ ਕਿ ਚੌਟਾਲਾ ਸਰਕਾਰ ਦੇ ਆਉਣ ਵੇਲੇ ਤੱਕ ਇਸ ਸਾਧ ‘ਤੇ ਕਾਫੀ ਗੰਭੀਰ ਕੇਸ ਚੱਲ ਰਹੇ ਸਨ, ਜਿਹਨਾਂ ਵਿਚੋਂ ਕਈ ਸਰਸੇ ਹੀ ਚੱਲਦੇ ਸਨ, ਕਤਲਾਂ ਦੇ, ਜਬਰੀ ਜਮੀਨਾਂ ਨੱਪਣ ਦੇ, ਲੁੱਟਾਂ ਦੇ, ਬਲਾਤਕਾਰ ਦੇ ਤੇ ਕਈ ਹੋਰ। ਏਸ ਸਾਧ ‘ਤੇ ਇਹ ਵੀ ਦੋਸ਼ ਲੱਗਿਆ ਹੈ ਕਿ ਇਸ ਨੇ ਆਪਣੇ ਤੋਂ ਪਹਿਲੇ ਮੁਖੀ ਸ਼ਾਹ ਸਤਿਨਾਮ ਦਾ ਕਤਲ ਕੀਤਾ ਸੀ। ਮੁਕਤਸਰ ਦੇ ਇਕ ਬਜ਼ੁਰਗ ਨੇ ਇਹ ਵੀ ਦੱਸਿਆ ਕਿ ਭਾਈ ਵਰਿਆਮ ਸਿੰਘ ਖੱਪਿਆਂਵਾਲੀ ਅਤੇ ਭਾਈ ਗੁਰਜੰਟ ਸਿੰਘ ਬੁੱਧ ਸਿੰਘ ਵਾਲਾ ਨੇ ਇਕ ਵਾਰ ਏਸ ਸਾਧ ਦਾ ਕੁਟਾਪਾ ਵੀ ਚਾੜਿਆ ਸੀ, ਉਸ ਸਾਰੀ ਘਟਨਾ ਬਾਰੇ ਵਿਸਥਾਰ ਵਿਚ ਅਗਲੇ ਲੇਖ ਵਿਚ ਲਿਖਾਂਗੇ। ਹੁਣ ਪੰਜਾਬ ਵਿਚ ਵਾਪਰੇ ਤਾਜ਼ਾ ਘਟਨਾਕ੍ਰਮ ਬਾਰੇ ਚਰਚਾ ਕਰਦੇ ਹਾਂ।

ਇਸ ਸਾਧ ਵੱਲੋਂ ਵੱਡੀ ਪੱਧਰ ‘ਤੇ ਕੀਤੇ ਗਏ ਸੇਵਾ ਕਾਰਜਾਂ ਕਾਰਨ ਬਹੁਤ ਲੋ ਕਏਸ ਦੇ ਡੇਰੇ ਨਾਲ ਜੁੜੇ ਹੋਏ ਸਨ। ਸਭ ਕੁਝ ਠਕਿ ਚੱਲ ਰਿਹਾ ਸੀ, ਨਾ ਹੀ ਕਦੇ ਏਸ ਨੇ ਦਸਵੇਂ ਪਾਤਸ਼ਾਹ ਦੀ ਰੀਸ ਕਰਨ ਬਾਰੇ ਸੋਚਿਆ ਸੀ। ਇਸ ਸਭ ਦਾ ਕਾਰਨ ਬਣੀ ਛ.ਭ.ੀ. ਦੀ 25 ਮਈ ਨੂੰ ਆਉਣ ਵਾਲੀ ਰਿਪੋਰਟ। ਡੇਰੇ ਦੀ ਹੀ ਇਕ ਬੀਬੀ ਦੁਆਰਾ ਇਸ ‘ਤੇ ਬਲਾਤਕਾਰੀ ਹੋਣ ਦੇ ਦੋਸ਼ ਲਗਾਏ ਗਏ ਸਨ, ਜਿਸ ਖਬਰ ਨੂੰ ਸਰਸੇ ਤੋਂ ਛਪਦੇ ਇਕ ਲੋਕਲ ਅਖਬਾਰ ‘ਪੂਰਾ ਸੱਚ’ ਦੇ ਐਡੀਟਰ ਛਤਰਪਤੀ ਨੇ ਚੁੱਕਿਆ। ਏਸ ਸਾਧ ਨੇ ਛਤਰਪਤੀ ਦਾ ਕਤਲ ਕਰਵਾ ਦਿੱਤਾ। ਹੁਣ 25 ਮਈ ਨੂੰ ਆਉਣ ਵਾਲੀ ਰਿਪੋਰਟ ਵਿਚ ਇਸ ਦੇ ਕਈ ਕਾਰਨਾਮੇ ਨੰਗੇ ਕੀਤੇ ਜਾ ਰਹੇ ਸਨ ਤੇ ਇਹ ਗੱਲ ਭਾਰਤੀ ਏਜੰਸੀਆਂ ਨੇ ਇਸ ਤੱਕ ਵੀ ਪੁਚਾ ਦਿੱਤੀ ਸੀ। ਸੋ ਇਸ ਨੇ ਇਹ ਡਰਾਮਾਂ ਖੇਡਿਆ ਤੇ ਸ਼ਾਇਦ ਇਸ ਨੇ ਕਦੇ ਸੁਪਨੇ ਵਿਚ ਵੀ ਨਹੀਂ ਸੋਚਿਆ ਹੋਣਾ ਕਿ ਏਸ ਘਿਣਾਉਣੀ ਹਰਕਤ ਦਾ ਪੰਜਾਬ ਵਿਚ ਇਸ ਤਰ੍ਹਾਂ ਵਿਰੋਧ ਹੋਵੇਗਾ ਤੇ 10 ਦਿਨਾਂ ਦੇ ਵਿਚ-ਵਿਚ ਇਸ ਦਾ ਪੰਜਾਬ ਵਿਚੋਂ ਮਲੀਆਮੇਟ ਹੋ ਜਾਵੇਗਾ। ਬਠਿੰਡੇ ਵਿਚ ਇਹਨਾਂ ਸ਼ਕਤੀ ਪ੍ਰਦਰਸ਼ਨ ਵੀ ਕੀਤਾ, ਪਰ ਇਹਨਾਂ ਨੇ ਸਿਖ ਸੰਗਤ ਨੂੰ 13 ਅਪ੍ਰੈਲ 1978 ਦੀ ਖੂਨੀ ਘਟਨਾ ਚੇਤੇ ਕਰਵਾ ਦਿੱਤੀ ਅਤੇ ਦਸ਼ਮੇਸ਼ ਦਾ ਦੁੱਲਾ ਪੰਥ ਇਹਨਾਂ ਵਿਰੁੱਧ ਇਕ-ਮੁੱਠ ਹੋ ਗਿਆ। ਜਿਸ ਦੇ ਹੱਥ ਜੋ ਵੀ ਆਇਆ ਕ੍ਰਿਪਾਨ, ਗੰਡਾਸੇ, ਟਕੂਏ, ਕੁਹਾੜੀਆਂ, ਖੁਰਚਨੇ, ਟੰਬੇ ਜੋ ਵੀ ਚੁੱਕ ਕੇ ਲੈ ਆਇਆ। ਹਾਂ, ਸੁਯੋਗ ਅਗਵਾਈ ਤੇ ਇਕ ਸਿਆਣੇ ਜਰਨੈਲ ਦੀ ਘਾਟ ਜਰੂਰ ਰੜਕਦੀ ਰਹੀ।

ਸਿਖ ਸੰਗਤਾਂ ਦੇ ਇਸ ਜੋਸ਼ ਨੂੰ ਜੇ ਸਾਰੇ ਦੇਹਧਾਰੀਆਂ ‘ਤੇ ਕੇਂਦਰਿਤ ਕਰ ਦਿੱਤਾ ਜਾਂਦਾ ਤਾਂ ਕੋਈ ਸ਼ੱਕ ਨਹੀਂ ਕਿ ਇਸ ਲੋਕ ਲਹਿਰ ਨੇ ਦੇਹਧਾਰੀ ਗੁਰੂ ਡੰਮ ਦਾ ਪੰਜਾਬ ਦੀ ਧਰਤੀ ਤੋਂ ਸਫਾਇਆ ਕਰ ਦੇਣਾ ਸੀ। ਸਿਰਫ ਸਰਸੇ ਵਾਲੇ ਦੇ ਸਮਾਜਿਕ ਬਾਈਕਾਟ ਦੀ ਥਾਂ ‘ਤੇ ਸਾਰੇ ਦੇਹਧਾਰੀ ਗੁਰੂਡੰਮ ਦੇ ਬਾਈਕਾਟ ਦਾ ਐਲਾਨ ਕਰ ਦੇਣਾ ਚਾਹੀਦਾ ਸੀ। ਕੁਝ ਘਟਨਾਵਾਂ ਨੇ ਮਨ ਨੂੰ ਦੁੱਖ ਵੀ ਪਹੁੰਚਾਇਆ। ਨੰਗੀਆਂ ਕ੍ਰਿਪਾਨਾਂ ਲੈ ਕੇ ਤਖਤ ਸਾਹਿਬ ‘ਤੇ ਕੁਝ ਸਿਖਾਂ ਵੱਲੋਂ ਹੁੱਲੜਬਾਜ਼ੀ ਵੀ ਕੀਤੀ ਗਈ। ਮੰਨਿਆਂ ਕਿ ਫੈਸਲਾ ਕੋਈ ਵਧੀਆ ਨਹੀਂ ਲਿਆ ਗਿਆ ਪਰ ਉਸ ਦਾ ਵਿਰੋਧ ਗੋਲਕ ਉੱਤੇ ਚੜ੍ਹ ਕੇ ‘ਗੁਰੂ ਸਾਹਿਬ’ ਵੱਲ ਪਿੱਠ ਕਰਕੇ, ਤੇ ਗਾਲ੍ਹਾਂ ਕੱਢਕੇ ਕਰਨਾ ਕਦੇ ਵੀ ਸਹੀ ਨਹੀਂ ਕਿਹਾ ਜਾਵੇਗਾ।ਕੁਝ ਸਿਖ ਅਰਦਾਸ ਅਤੇ ਹੁਕਮਨਾਮਾਂ ਲਏ ਜਾਣ ਵੇਲੇ ਵੀ ਗਾਲ੍ਹਾਂ ਕੱਢ ਰਹੇ ਸਨ। ਦਸ਼ਮੇਸ਼ ਦੇ ਪੁੱਤਰਾਂ ਨੂੰ ਇਹ ਕਦੇ ਨਹੀਂ ਸੋਭਦਾ। ਜਥੇਦਾਰਾਂ ਦਾ ਪਹਿਲਾ ਫੈਸਲਾ 90% ਸੰਗਤ ਨੂੰ ਫਿੱਟ ਨਹੀਂ ਬੈਠਿਆ ਸੀ ਪਰ ਹੋ ਹੱਲਾ ਕਰਨ ਦੀ ਬਜਾਏ ਵਿਰੋਧ ਦਾ ਕੋਈ ਹੋਰ ਰਾਹ ਲੱਭਣਾ ਚਾਹੀਦਾ ਸੀ। ਇਕ ਵਾਰ ਤਾਂ ਮੀਡੀਏ ਨੇ ਸ਼ੋਅ ਕਰ ਦਿੱਤਾ ਸੀ ਕਿ ਸਿਖ ਆਪੋ ਵਿਚ ਹੀ ਲੜ ਪਏ।

ਖੈਰ…………… ਇਸ ਸਾਰੇ ਘਟਨਾਕ੍ਰਮ ਵਿਚੋਂ ਇਕ ਹੋਰ ਗੱਲ ਉੱਭਰ ਕੇ ਸਾਹਮਣੇ ਆਈ ਹੈ। ਇਕ ਸਿਆਣੇ ਵੀਰ ਨੇ ਸਾਨੂੰ ਕਿਹਾ ਕਿ ਹਰ 15-20ਸਾਲ ਬਾਅਦ ਸਿਖਾ ਦੀ ਇਕ ਪੀੜੀ ਨੌਜਵਾਨ ਹੋ ਜਾਦੀ ਹੈ ਤੇ ਸਰਕਾਰਾਂ ਨੂੰ ਫਿਕਰ ਪੈ ਜਾਂਦਾ ਹੈ। ਇਸ ਘਟਨਾ ਵਿਚ ਵੀ ਸਰਕਾਰੀ ਏਜੰਸੀਆਂ ਨੇ ਸਿਖ ਨੌਜਵਾਨੀ ਦੀ ਸਕਰੀਨਿੰਗ ਕੀਤੀ ਹੈ, ਜਿਸ ਵਿਚ ਉਹ ਸਫਲ ਵੀ ਹੋਏ ਹਨ। ਉਹਨਾ ਨੇ ਵੇਖ ਲਿਆ ਕਿ ਭਾਂਵੇ ਕੋਈ ਕੇਸਧਾਰੀ ਨੌਜਵਾਨ ਹੈ ਜਾਂ ਬਗੈਰ ਕੇਸਾਂ ਤੋ ਸਭ ਇੱਕਠੇ ਹਨ। ਗੁਰੂ ਕਿਸੇ ਦੇ ਮਨ ਚਂੋ ਨਹੀ ਵਿਸਰਿਆ। ਇਹ ਹਕੂਮਤ ਲਈ ਖਤਰੇ ਦੀ ਘੰਟੀ ਹੈ ਤੇ ਸਾਨੂੰ ਸੁਚੇਤ ਹੋਣ ਦੀ ਲੋੜ ਹੈ। ਸਾਡੇ ਉੱਤੇ ਹੁਣ ਹੋਰ ਵੱਡੇ ਹਮਲੇ ਹੋਣਗੇ। ਜਿਹਨਾਂ ਲਈ ਸਾਨੂੰ ਤਿਆਰੀ ਕਰਨੀ ਚਾਹੀਦੀ ਹੈ। ਸਿਖ ਨੌਜੁਆਨੀ ਨੂੰ ਬਹੁਤੀ ਭੜਕਾਹਟ ਵਿਚ ਨਹੀਂ ਆਉਣਾ ਚਾਹੀਦਾ। ਲੀਡਰਾਂ ਦੀ ਪਛਾਣ ਵੀ ਜਰੂਰੀ ਹੈ। ਇਹ ਨਾ ਹੋਵੇ ਕਿ ਸਾਨੂੰ ਅੱਗ ਦੀ ਭੱਠੀ ਵਿਚ ਝੋਕ ਕੇ ਲੀਡਰ ਪਿੱਛੋਂ ਸਾਡੀਆਂ ਲਾਸ਼ਾਂ ‘ਤੇ ਕੁਰਸੀਆਂ ਡਾਹ ਲੈਣ। ਸੋ ਸਿਖ ਨੌਜੁਆਨੀ ਨੂੰ ਬੇਨਤੀ ਹੈ ਕਿ ਇਕ ਸਾਧ ‘ਤੇ ਹੀ ਆਪਣੀ ਸਾਰੀ ਤਾਕਤ ਨਾ ਖਤਮ ਕਰ ਲਿਉ, ਹੋਰ ਵੱਡੇ ਹਮਲਿਆਂ ਦਾ ਮੁਕਾਬਲਾ ਵੀ ਕਰਨਾ ਹੈ। ਵਾਹਿਗੁਰੂ ਭਲੀ ਕਰੇ।

ਜਗਦੀਪ ਸਿੰਘ ਫਰੀਦਕੋਟ (9815763313 )


Views and opinion expressed in guest editorials/columns are of the author and do not necessarily reflect the view or opinion of Panthic.org or Khalsa Press.

Comments

 

Disclaimer: Panthic.org does not necessarily endorse the views and opinions voiced in the feedback from our readers, and cannot be held responsible for their views.

Background and Psyche of Anti-Sikh Events of 1984 & the RSS : Video Interview with Bhai Ratinder Singh

Akaal Channel's interview with Panthic.org Senior Editor Bhai Ratinder Singh regarding anti-Sikh events in 1983, and 1984 in Indore Madhya Pardes and the RSS Psyche
Read Full Article


RECENT ARTICLE & FEATURES

ਜਿਨ੍ਹਾਂ ਸਿਦਕ ਨਹੀਂ ਹਾਰਿਆ...

 

ਗੁਰੂ ਗੋਬਿੰਦ ਸਿੰਘ ਜੀ ਨੇ ਸਿੱਖ ਨੂੰ ਅੰਮ੍ਰਿਤਪਾਨ ਕਰਵਾ ਕੇ ਸਿੰਘ ਸਜਾਇਆ ਤਾਂ ਨਾਨਕ ਪੰਥ' ਦੀ ਦਿਸ਼ਾ ਅਤੇ ਦਸ਼ਾ ਵਿੱਚ ਅਮੋੜ ਪਰਿਵਰਤਨ ਹੋਇਆ। ਉਂਝ ਬਦਲਾਅ ਦੀ ਰੀਤ ਗੁਰੂ ਹਰਿਗੋਬਿੰਦ ਜੀ ਦੇ ਵੇਲੇ ਹੀ ਸ਼ੁਰੂ ਹੋ ਗਈ ਸੀ ਜਦੋਂ ਉਨ੍ਹਾਂ ਨੇ ਮੀਰੀ ਤੇ ਪੀਰੀ ਦੀਆਂ ਦੋ ਕਿਰਪਾਨਾਂ ਧਾਰਨ ਕੀਤੀਆਂ ਸਨ। ਦਸਮ ਪਾਤਸ਼ਾਹ ਤੋਂ ਬਾਅਦ ਬਾਬਾ ਬੰਦਾ ਸਿੰਘ ਬਹਾਦਰ ਨੇ ਸਿੱਖ ਜਲੋਅ ਨੂੰ ਮੁੜ ਸਥਾਪਤ ਕਰਨ ਦਾ ਉਪਰਾਲਾ ਕੀਤਾ। ਉਨਾਂ ਦੀ ਸ਼ਹੀਦੀ ਮਗਰੋਂ ਸਿੱਖਾਂ ਉਪਰ ਜ਼ੁਲਮ ਵਧਦੇ ਹੀ ਗਏ। ਮੀਰ ਮੰਨੂੰ ਸਿੱਖਾਂ ਉੱਪਰ ਜ਼ੁਲਮ ਕਮਾਉਣ ਵਿੱਚ ਮੋਹਰੀ ਬਣ ਕੇ ਉੱਭਰਿਆ। ਉਹ ੧੭੪੮ ਤੋਂ ੧੭੫੩ ਤੱਕ ਲਾਹੌਰ ਅਤੇ ਮੁਲਤਾਨ ਦਾ ਗਵਰਨਰ ਰਿਹਾ।...

Read Full Article

ਹਿੰਦੀ , ਹਿੰਦੂ, ਹਿੰਦੁਸਤਾਨ ਬਨਾਮ ਬ੍ਰਹਿਮੰਡੀ ਗੁਰਮਤਿ ਵਿਚਾਰਧਾਰਾ

 

ਆਰੀਆ ਸਮਾਜੀ ਅਤੇ ਸਨਾਤਨ ਧਰਮੀਆਂ ਦੇ ਹਿੰਦੂ ਸ਼ਬਦ ਬਾਰੇ ਵੱਖੋ ਵੱਖਰੇ ਵਿਚਾਰ ਹਨ। ਆਰੀਆ ਸਮਾਜੀ ਇਸ ਸਬੰਧੀ ਗਿਆਸਨਾਮੀ ਕੋਸ਼ ਅਤੇ ਕਸੱਫਨਾਮੀ ਕੋਸ਼ ਦੇ ਹਵਾਲੇ ਦੇਕੇ ਆਪਣੇ ਆਪ ਨੂੰ ਹਿੰਦੂ ਅਖਵਾਉਣ ਦੀ ਬਜਾਏ ਆਰੀਆ ਸਮਾਜੀ ਅਖਵਾਉਣਾ ਪਸੰਦ ਕਰਦੇ ਹਨ। ਉਨ੍ਹਾਂ ਦਾ ਵਿਚਾਰ ਹੈ ਕਿ ਗਿਆਸਨਾਮੀ ਕੋਸ਼ ਵਿੱਚ ਲਿਖਿਆ ਹੈ ਕਿ "ਹਿੰਦੁ ਬਕਸਰ ਗੁਲਾਮ ਵ ਬੰਦਹ ਕਾਫ਼ਿਰ ਵ ਤੇਰਾ" ਭਾਵ ਹਿੰਦੂ ਦਾ ਅਰਥ ਗੁਲਾਮ, ਕੈਦੀ, ਕਾਫ਼ਿਰ ਅਤੇ ਤਲਵਾਰ ਹੈ। ਅਤੇ ਕਸੱਫਨਾਮੀ ਕੋਸ਼ ਅਨੁਸਾਰ "ਚੇ ਹਿੰਦੁ ਇ ਕਾਫ਼ਿਰ ਚੇ ਕਾਫ਼ਿਰ ਕਾਫ਼ਿਰ ਰਹਜਨ" ਭਾਵ ਹਿੰਦੁ ਕੀ ਹੈ? ਹਿੰਦੁ ਕਾਫ਼ਿਰ ਹੈ। ਕਾਫ਼ਿਰ ਕੀ ਹੈ? ਕਾਫ਼ਿਰ ਰਹਜਨ ਹੈ। ਰਹਜਨ ਕੀ ਹੈ? ਰਹਜਨ ਇਮਾਨ 'ਤੇ ਡਾਕਾ ਮਾਰਨ ਵਾਲਾ ਹੈ। ...

Read Full Article

ਭਾਈ ਤਾਰੂ ਸਿੰਘ

 

ਭਾਈ ਤਾਰੂ ਸਿੰਘ ਦਾ ਨਾਮ ਸਿੱਖ ਸ਼ਹੀਦਾਂ ਵਿੱਚ ਸਤਿਕਾਰ ਨਾਲ ਲਿਆ ਜਾਂਦਾ ਹੈ। ਸਿੱਖ ਗੁਰੂਆਂ, ਚਾਰ ਸਾਹਿਬਜ਼ਾਦਿਆਂ, ਚਾਲੀ ਮੁਕਤਿਆਂ ਦੇ ਨਾਲ ਨਾਲ, ਬੰਦ-ਬੰਦ ਕਟਵਾਇਆ (ਭਾਈ ਮਨੀ ਸਿੰਘ), ਖੋਪੜੀਆਂ ਲੁਹਾਈਆਂ (ਭਾਈ ਤਾਰੂ ਸਿੰਘ), ਚਰੱਖੜੀਆਂ ਤੇ ਚੜੇ (ਸਰਦਾਰ ਸੁਬੇਗ ਸਿੰਘ ਅਤੇ ਸ਼ਾਬਾਜ਼ ਸਿੰਘ) ਸਿੱਖ ਅਰਦਾਸ ਦਾ ਅਟੁੱਟਵਾਂ ਅੰਗ ਹੈ।...

Read Full Article

ਬੰਦ ਬੰਦ ਕਟਾਉਣ ਵਾਲੇ ਭਾਈ ਮਨੀ ਸਿੰਘ

 

ਬਾਬਾ ਦੀਪ ਸਿੰਘ ਦੀ ਸ਼ਹਾਦਤ ਤੋਂ ਜਲਦ ਬਾਅਦ ਵਿਦਵਾਨ, ਯੋਧਾ ਅਤੇ ਅੰਮ੍ਰਿਤਸਰ ਦੀ ਮਰਿਆਦਾ ਬੰਨ੍ਹਣ ਵਾਲੇ ਸਿੰਘ ਭਾਈ ਮਨੀ ਸਿੰਘ (੧੬੧੪-੧੭੩੭) ਨੂੰ ਵੀ ਸ਼ਹੀਦ ਕਰ ਦਿੱਤਾ ਗਿਆ। ਚਿਤੇਰੇ ਕਿਰਪਾਲ ਸਿੰਘ ਨੇ ਬੰਦ ਬੰਦ ਕੱੱਟੇ ਜਾਣ ਦੇ ਸਮੇਂ ਨੂੰ ਚਿਤਵਦਿਆਂ ਇੱਕ ਚਿੱਤਰ ਤਿਆਰ ਕੀਤਾ ਜੋ ੧੯੫੭ ਦਾ ਬਣਿਆ ਹੋਇਆ ਹੈ। ਇਹ ਤੇਤੀ ਗੁਣਾਂ ਤਰਤਾਲੀ ਇੰਚ ਦਾ ਹੈ। ਭਾਈ ਮਨੀ ਸਿੰਘ ਦੀ ਸ਼ਹੀਦੀ ਦਰਸਾਉਣ ਵਾਲਾ ਸੰਭਵ ਤੌਰ 'ਤੇ ਇਹ ਪਹਿਲਾ ਚਿੱਤਰ ਹੈ। ਇਸ ਦਾ ਮਹੱਤਵ ਇਹ ਵੀ ਹੈ ਕਿ ਕਿਸੇ ਦੂਜੇ ਫ਼ਨਕਾਰ ਨੇ ਇਸ ਤ੍ਰਾਸਦੀ ਨੂੰ ਵਿਸ਼ਾ ਬਣਾ ਕੇ ਆਪਣੇ ਫ਼ਨ ਦਾ ਮੁਜ਼ਾਹਰਾ ਨਹੀਂ ਕੀਤਾ। ਭਾਈ ਮਨੀ ਸਿੰਘ ਦੇ ਬਚਪਨ ਦਾ ਨਾਂ ਮਨੀ ਰਾਮ (ਮਨੀਆ ਵੀ ਕਹਿ ਲੈਂਦੇ ਸਨ) ਸੀ। ਪਿਤਾ ਰਾਓ ਮਾਈ ਦਾਸ ਅਤੇ ਮਾਤਾ ਮਦਰੀ ਬਾਈ (ਲੱਖੀ ਸ਼ਾਹ ਵਣਜਾਰਾ ਦੀ ਧੀ) ਸੀ। ਮਨੀ ਰਾਮ ਆਪਣੇ ਬਾਰਾਂ ਭਰਾਵਾਂ ਵਿੱਚੋਂ ਇੱਕ ਸੀ।...

Read Full Article

ਸੇਵਾ ਦਾ ਆਦਰਸ਼ ਰੂਪ ਭਾਈ ਘਨੱਈਆ ਜੀ

 

ਸੇਵਾ ਨੂੰ ਸਿੱਖ ਧਰਮ ਵਿੱਚ ਖ਼ਾਸ ਮਹੱਤਵ ਪ੍ਰਾਪਤ ਹੈ। ਇਸ ਦੀ ਸ਼ੂਰਆਤ ਗੁਰੂ ਨਾਨਕ ਦੇਵ ਤੋਂ ਹੀ ਹੋ ਗਈ ਸੀ, ਜਦੋਂ ਪਿਤਾ ਮਹਿਤਾ ਕਲਿਆਣ ਦਾਸ ਨੇ ਉਨ੍ਹਾਂ ਨੂੰ ਵਪਾਰ ਸ਼ੁਰੂ ਕਰਨ ਲਈ ਵੀਹ ਰੁਪਏ ਦਿੱਤੇ ਸਨ। ਗੁਰੂ ਨਾਨਕ ਦੇਵ ਜੀ ਤੋਂ ਬਾਅਦ ਹੋਰ ਸਾਰੇ ਗੁਰੂ ਸਾਹਿਬਾਨ ਨੇ ਇਸ ਰੀਤ ਨੂੰ ਹੋਰ ਦ੍ਰਿੜ੍ਹ ਕੀਤਾ। ਗੁਰੂ ਗੋਬਿੰਦ ਸਿੰਘ ਜੀ ਤਕ ਪਹੁੰਚਦਿਆਂ-ਪਹੁੰਚਦਿਆਂ ਇਸ ਦਾ ਦਾਇਰਾ ਹੋਰ ਵਸੀਹ ਹੋ ਗਿਆ। ...

Read Full Article

ਪੁਸਤਕ ਸਮੀਖਿਆ ਗੁਜਰਾਤ ਫਾਈਲਾਂ :- ਪਰਦਾਪੋਸ਼ੀ ਦੀ ਚੀਰਫਾੜ

 

ਗੁਜਰਾਤ ਫਾਈਲਾਂ ਨਾਮ ਦੀ ਕਿਤਾਬ ਪੱਤਰਕਾਰ ਰਾਣਾ ਅਯੂਬ ਵਲੋਂ ਗੁਜਰਾਤ ਦੇ ਮੁਸਲਿਮ ਕਤਲੇਆਮ , ਝੂਠੇ ਪੁਲਸ ਮੁਕਾਬਲੇ ਅਤੇ ਗੁਜਰਾਤ ਦੇ ਗ੍ਰਹਿ ਮੰਤਰੀ ਹਿਰੇਨ ਪਾਂਡਿਯਾ ਦੇ ਕਤਲ ਦੀ ਛਾਨਬੀਣ ਦਾ ਵੇਰਵਾ ਹੈ । ਇਹ ਛਾਨਬੀਣ ਲੇਖਿਕਾ ਰਾਣਾ ਅਯੂਬ ਨੇ ਅਮਰੀਕਨ ਫਿਲਮਸਾਜ਼ ਮੈਥਿਲੀ ਤਿਆਗੀ ਨਾਮ ਦੀ ਲੜਕੀ ਬਣ ਕੇ 2001 ਤੋਂ 2010 ਤੱਕ ਗੁਜਰਾਤ 'ਚ ਰਹੇ ਉਚ ਪੁਲਸ ਅਫ਼ਸਰਾਂ , ਨੌਂਕਰਸ਼ਾਹਾਂ ਤੇ ਰਾਜਨੀਤਿਕਾਂ ਨਾਲ ਮੁਲਾਕਾਤਾਂ ਕਰਕੇ ਸਟਿੰਗ ਆਪ੍ਰੇਸ਼ਨ ਰਾਂਹੀ ਕੀਤੀ ਹੈ । ...

Read Full Article

ਸਿਰੁ ਧਰਿ ਤਲੀ ਗਲੀ ਮੇਰੀ ਆਉ : ਅਸਾਧਾਰਨ ਸਮੇਂ ਦਾ ਅਸਾਧਾਰਨ ਚਿਤਰਣ

 

ਸਿੱਖ ਧਰਮ ਵਿੱਚ ਸ਼ਹੀਦਾਂ ਨੂੰ ਸਤਿਕਾਰ ਨਾਲ ਯਾਦ ਕੀਤਾ ਜਾਂਦਾ ਹੈ ਅਤੇ ਬਾਬਾ ਦੀਪ ਸਿੰਘ ਦੀ ਕੁਰਬਾਨੀ ਦੀ ਦੋ ਕਾਰਨਾਂ ਕਰਕੇ ਵੱਖਰੀ ਮਹੱਤਤਾ ਹੈ। ਇੱਕ, ਉਨ੍ਹਾਂ ਅੰਮ੍ਰਿਤਸਰ ਦੀ ਪਵਿੱਤਰਤਾ ਦੀ ਮੁੜ ਬਹਾਲੀ ਵਾਸਤੇ ਲੜਦਿਆਂ ਆਪਣੇ ਪ੍ਰਾਣ ਤਿਆਗੇ। ਦੂਜਾ, ਇਹ ਬੀੜਾ ਉਨ੍ਹਾਂ ਉਸ ਸਮੇਂ ਚੁੱਕਿਆ ਜਦੋਂ ਉਹ ਪੰਝਤਰ ਸਾਲਾਂ ਦੇ ਸਨ। ਉਹ ਗੁਰੂ ਗੋਬਿੰਦ ਸਿੰਘ ਦੇ ਸੰਪਰਕ ਵਿੱਚ ਲੰਬੇ ਸਮੇਂ ਤਕ ਰਹੇ। ਉਨ੍ਹਾਂ ਆਪਣਾ ਸਮੁੱਚਾ ਜੀਵਨ ਸਿੱਖ ਧਰਮ ਦੇ ਪ੍ਰਚਾਰ ਪ੍ਰਸਾਰ ਅਤੇ ਇਸ ਦੀ ਰੱਖਿਆ ਲੇਖੇ ਲਾ ਦਿੱਤਾ। ...

Read Full Article

ਸਿਰ ਦੀਉ ਧਰ ਮੱਸੇ ਦਾ ਸਿੰਘਾਂ ਕੇ ਆਗਾਹੀ

 

ਸਿੱਖ ਕੌਮ ਦਾ ਇਤਿਹਾਸ ਸੂਰਬੀਰਾਂ ਦੇ ਵਿਲੱਖਣ ਕਾਰਨਾਮਿਆਂ ਨਾਲ ਭਰਿਆ ਪਿਆ ਹੈ। ਭਾਈ ਮਹਿਤਾਬ ਸਿੰਘ ਤੇ ਸੁੱਖਾ ਸਿੰਘ ਵੱਲੋਂ ਮੱਸੇ ਰੰਗੜ ਦਾ ਸਿਰ ਵੱਢ ਕੇ ਲਿਆਉਣਾ ਅਜਿਹਾ ਹੀ ਸਾਹਸੀ ਕਾਰਜ ਸੀ। ਚਿੱਤਰਕਾਰ ਕਿਰਪਾਲ ਸਿੰਘ ਨੇ ਇਸ ਦ੍ਰਿਸ਼ ਨੂੰ ਬਾਖ਼ੂਬੀ ਚਿਤਰਿਆ ਹੈ। ਇਤਿਹਾਸਕ ਤੱਥਾਂ ਨੂੰ ਮੁੱਖ ਰੱਖ ਕੇ ਬਣਾਏ ਗਏ ਇਸ ਚਿੱਤਰ ਬਾਰੇ ਤਫ਼ਸੀਲ ਸਹਿਤ ਜਾਣਕਾਰੀ ਦਿੰਦੀ ਹੈ ਇਹ ਰਚਨਾ। ...

Read Full Article

ਚੰਡੀ ਦੀ ਵਾਰ ਰਾਂਹੀ ਦਸ਼ਮੇਸ਼ ਪਿਤਾ ਜੀ ਦਾ ਸਿੱਖ ਨੌਜਵਾਨ ਬੱਚੀਆਂ ਨੂੰ ਸੁਨੇਹਾ

 

ਚੰਡੀ ਦੀ ਵਾਰ ਭਾਵੇਂ ਦੈਂਤਾਂ ਅਤੇ ਦੇਵਤਿਆਂ ਦੇ ਯੁੱਧ ਦਾ ਵਰਨਣ ਹੈ ਪਰ ਗੁਰੂ ਸਾਹਿਬ ਜੀ ਨੇ ਇਸਤਰੀ ਨਾਇਕ ਦੁਰਗਾ ਨੂੰ ਸੰਸਾਰ ਸਾਹਮਣੇ ਪੇਸ਼ ਕਰਕੇ ਇਹ ਸੰਦੇਸ਼ ਦਿੱਤਾ ਹੈ ਕਿ ਜੇਕਰ ਇੱਕ ਇਸਤਰੀ ਵੱਡੇ-ਵੱਡੇ ਤਾਕਤਵਾਰ ਦੈਂਤਾਂ ਦਾ ਮੁਕਾਬਲਾ ਕਰਕੇ ਜਿੱਤ ਪ੍ਰਾਪਤ ਕਰ ਸਕਦੀ ਹੈ ਤਾਂ ਤੁਸੀਂ ਮਰਦ ਹੋ ਕੇ ਅਜਿਹਾ ਕਿਉਂ ਨਹੀਂ ਕਰ ਸਕਦੇ। ਗੁਰੂ ਸਾਹਿਬ ਇਹ ਚਹੁੰਦੇ ਸਨ ਕਿ ਖ਼ਾਲਸਾ ਪੰਥ ਵਿੱਚ ਕੇਵਲ ਮਰਦ ਹੀ ਨਹੀਂ ਸਗੋਂ ਇਸਤਰੀਆਂ ਵੀ ਹਰੇਕ ਤਰ੍ਹਾਂ ਨਾਲ ਯੁੱਧ ਕਲਾ ਵਿੱਚ ਪ੍ਰਬੀਨ ਹੋਣ ਅਤੇ ਸੰਸਾਰ ਵਿੱਚ ਪੂਰਨ ਅਜ਼ਾਦੀ, ਸਵੈਮਾਣ ਤੇ ਮਾਣ ਸਤਿਕਾਰ ਨਾਲ ਜੀਵਣ ਬਤੀਤ ਕਰਨ।...

Read Full Article