A Panthic Network - Khalsa Press Publication, ISSN: 1930-0107

PANTHIC.org


"ਲੱਗੀ ਧਮਕ ਸਾਰੇ ਹਿੰਦੁਸਤਾਨ ਅੰਦਰ, ਦਿੱਲੀ, ਆਗਰੇ, ਹਾਂਸੀ ਹਸਾਰ ਮੀਆਂ। ਬੀਕਾਨੇਰ, ਲਖਨਊ, ਅਜਮੇਰ, ਜੈਪੁਰ, ਪਈਆਂ ਭਾਜੜਾਂ ਜਮਨਾ ਤੋਂ ਪਾਰ ਮੀਆਂ। ਚੱਲੀ ਸਭ ਪੰਜਾਬ ਦੀ ਬਾਦਸ਼ਾਹੀ, ਨਹੀਂ ਦਲਾਂ ਦਾ ਅੰਤ ਸ਼ੁਮਾਰ ਮੀਆਂ। ਸ਼ਾਹ ਮੁਹੰਮਦਾ ਕਿਸੇ ਨਾ ਅਟਕਣਾ ਈਂ, ਸਿੰਘ ਰਹਿਣਗੇ ਦਿੱਲੀ ਨੂੰ ਮਾਰ ਮੀਆਂ।(੬੩)"
- Shah Mohammed (Jangnama)

ਪੁਸਤਕ ਸਮੀਖਿਆ ਗੁਜਰਾਤ ਫਾਈਲਾਂ :- ਪਰਦਾਪੋਸ਼ੀ ਦੀ ਚੀਰਫਾੜ

June 29, 2018
Author/Source: ਸਮੀਖਿਆ ਕਰਤਾ - ਗੁਰਦਰਸ਼ਨ ਸਿੰਘ

ਲੇਖਿਕਾ :- ਰਾਣਾ ਅਯੂਬ , ਪ੍ਰਕਾਸ਼ਕ :- ਗੁਲਮੋਹਰ ਕਿਤਾਬ

ਪੁਸਤਕ ਸਮੀਖਿਆ
ਗੁਜਰਾਤ ਫਾਈਲਾਂ :- ਪਰਦਾਪੋਸ਼ੀ ਦੀ ਚੀਰਫਾੜ
ਲੇਖਿਕਾ :- ਰਾਣਾ ਅਯੂਬ , ਪ੍ਰਕਾਸ਼ਕ :- ਗੁਲਮੋਹਰ ਕਿਤਾਬ
ਪੰਜਾਬੀ ਅਨੁਵਾਦ :- ਬੂਟਾ ਸਿੰਘ , ਪੰਜਾਬੀ ਪ੍ਰਕਾਸ਼ਕ :- ਬਾਬਾ ਬੁੱਝਾ ਸਿੰਘ ਪ੍ਰਕਾਸ਼ਨ ਮਹਿਮੂਦਪੁਰ ।
ਸਫ਼ੇ - 167 , ਕੀਮਤ:- 150 ਰੁ.

ਗੁਜਰਾਤ ਫਾਈਲਾਂ ਨਾਮ ਦੀ ਕਿਤਾਬ ਪੱਤਰਕਾਰ ਰਾਣਾ ਅਯੂਬ ਵਲੋਂ ਗੁਜਰਾਤ ਦੇ ਮੁਸਲਿਮ ਕਤਲੇਆਮ , ਝੂਠੇ ਪੁਲਸ ਮੁਕਾਬਲੇ ਅਤੇ ਗੁਜਰਾਤ ਦੇ ਗ੍ਰਹਿ ਮੰਤਰੀ ਹਿਰੇਨ ਪਾਂਡਿਯਾ ਦੇ ਕਤਲ ਦੀ ਛਾਨਬੀਣ ਦਾ ਵੇਰਵਾ ਹੈ । ਇਹ ਛਾਨਬੀਣ ਲੇਖਿਕਾ ਰਾਣਾ ਅਯੂਬ ਨੇ ਅਮਰੀਕਨ ਫਿਲਮਸਾਜ਼ ਮੈਥਿਲੀ ਤਿਆਗੀ ਨਾਮ ਦੀ ਲੜਕੀ ਬਣ ਕੇ 2001 ਤੋਂ 2010 ਤੱਕ ਗੁਜਰਾਤ 'ਚ ਰਹੇ ਉਚ ਪੁਲਸ ਅਫ਼ਸਰਾਂ , ਨੌਂਕਰਸ਼ਾਹਾਂ ਤੇ ਰਾਜਨੀਤਿਕਾਂ ਨਾਲ ਮੁਲਾਕਾਤਾਂ ਕਰਕੇ ਸਟਿੰਗ ਆਪ੍ਰੇਸ਼ਨ ਰਾਂਹੀ ਕੀਤੀ ਹੈ ।

ਇਸ ਕਿਤਾਬ ਦੇ ਕੁੱਲ 11 ਕਾਂਡ ਹਨ ਜਿੰਨ੍ਹਾਂ ਵਿੱਚ ਉਚ ਪੁਲਸ ਅਫ਼ਸਰਾਂ , ਰਾਜਨੀਤਿਕਾਂ ਅਤੇ ਨੌਂਕਰਸ਼ਾਹਾਂ ਦੇ ਨਾਲ ਹੋਈ ਗੱਲਬਾਤ ਦੇ ਵੇਰਵੇ ਦਰਜ਼ ਹਨ। ਕਾਂਡ ਪਹਿਲੇ ਵਿੱਚ ਲੇਖਿਕਾ ਛਾਨਬੀਣ ਦੇ ਨੇਪਰੇ ਚੜਣ ਦਾ ਸੇਹਰਾ ਉਨਾਂ ਇਮਾਨਦਾਰ ਨੌਂਕਰਸ਼ਾਹਾਂ ਅਤੇ ਮਨੁੱਖੀ ਅਧਿਕਾਰ ਕਾਰਕੁੰਨਾਂ ਦੇ ਸਿਰ ਬੰਨ੍ਹਦੀ ਹੈ ਜਿੰਨ੍ਹਾਂ ਨੂੰ ਭ੍ਰਿਸ਼ਟ ਨੌਂਕਰਸ਼ਾਹਾਂ ਅਤੇ ਰਾਜਨੀਤਿਕਾਂ ਨੇਂ ਖੁੱਡੇ ਲਾਇਨ ਲਗਾ ਰੱਖਿਆ ਸੀ । ਲੇਖਿਕਾ ਅਨੁਸਾਰ '' ਮਨੁੱਖੀ ਅਧਿਕਾਰ ਕਾਰਕੁੰਨਾਂ ਅਤੇ ਦਸਤਾਵੇਜ਼ੀ ਸਬੂਤ ਹਾਸਲ ਕਰਵਾਉਣ ਵਾਲੇ ਅਧਿਕਾਰੀਆਂ ਦੀ ਸਫ਼ਲ ਮਦਦ ਨਾਲ ਮੇਂ ਆਖਿਰਕਾਰ ਉਸ ਸਾਲ ਦਾ ਸਭ ਤੋਂ ਸਨਸਨੀਖੇਜ਼ ਖੁਲਾਸਾ ਕੀਤਾ । ਇਹ ਝੂਠੇ ਪੁਲਸ ਮੁਕਾਬਲਿਆਂ ਦੌਰਾਣ ਵੱਖ ਵੱਖ ਪੁਲਸ ਅਧਿਕਾਰੀਆਂ ਅਤੇ ਰਾਜਨੀਤਿਕਾਂ ਵਿਚਕਾਰ ਹੋਈ ਗੱਲਬਾਤ ਦੇ ਕਾਲ ਰਿਕਾਰਡ ਦਾ ਬਿਓਰਾ ਸੀ । ਇਨ੍ਹਾਂ ਝੂਠੇ ਪੁਲਸ ਮੁਕਾਬਲਿਆਂ ਪਿੱਛੇ ਦਰਅਸਲ ਮਾਸੂਮਾਂ ਨੂੰ ਮਾਰ ਦੇਣ ਅਤੇ ਉਨਾਂ ਨੂੰ ਅੱਤਵਾਦ ਕਰਾਰ ਦੇਣ ਦੀ ਇਕ ਭਿਆਨਕ ਸਾਜਿਸ਼ ਸੀ ।

ਕਿਤਾਬ ਦੇ ਕਾਂਡ-2 ਵਿੱਚ ਲੇਖਿਕਾ ਆਪਣਾ ਨਾਂਅ ਬਦਲਣ , ਗੁਜਰਾਤ 'ਚ ਰਿਹਾਇਸ਼ ਅਤੇ ਆਪਣੇ ਸਾਥੀ ਨਾਲ ਮਿਲ ਕੇ ਸਟਿੰਗ ਆਪ੍ਰੇਸ਼ਨ ਕਰਨ ਦੀ ਯੋਜਨਾ ਦੀ ਸ਼ੁਰੂਆਤ ਅਹਿਮਦਾਬਾਦ ਦੀ ਭਾਜਪਾ ਵਿਧਾਇਕ ਅਤੇ ਬੇਕਸੂਰ ਮੁਸਲਿਮ ਕਤਲੇਆਮ ਦੀ ਦੌਸ਼ੀ ਮਾਇਆ ਕੋਡਨਾਨੀ ਬਾਰੇ ਖੁਲਾਸਾ ਕਰਦੀ ਹੈ । ਸੱਚਾਈ ਵੱਲ ਕਦਮ ਵਧਾਉਂਦੇ ਹੋਏ ਲੇਖਿਕਾ ਕਿਤਾਬ ਦੇ ਕਾਂਡ ਤਿੰਨ ਵਿੱਚ ਗੁਜਰਾਤ ਏ.ਟੀ.ਐਸ ਦੇ ਮੁਖੀ ਜੀ.ਐਲ ਸਿੰਘਲ ਤੱਕ ਪਹੁੰਚ ਕਰਦੀ ਹੈ ਜਿਸ 'ਤੇ ਝੂਠੇ ਮੁਕਾਬਲਿਆਂ ਦਾ ਦੌਸ਼ ਹੈ । ਗੱਲਬਾਤ ਦੌਰਾਣ ਸਿੰਘਲ ਖੁਲਾਸਾ ਕਰਦਾ ਹੈ ਕਿ '' ਊਚ ਜਾਤੀ ਰਾਜਨੀਤਿਕ ਅਤੇ ਅਫ਼ਸਰਾਂ ਜ਼ਰੀਏ ਨੀਵੀਂ ਜਾਤੀ ਦਲਿਤ ਅਫ਼ਸਰਾਂ ਨੂੰ ਆਪਣੇ ਨਾਪਾਕ ਮਨੋਰਥ ਲਈ ਵਰਤ ਕੇ ਸੁੱਟ ਦਿੱਤਾ ਜਾਂਦਾ ਹੈ '' ਅਤੇ ਜਦੋਂ ਲੇਖਿਕਾ ਏ.ਟੀ.ਐਸ ਮੁਖੀ ਸਿੰਘਲ ਨੂੰ ਸਵਾਲ ਕਰਦੀ ਹੈ ਕਿ '' ਤੁਸੀਂ ਸਭ ਵਣਜਾਰਾ , ਪਾਂਡਿਅਨ , ਪਰਮਾਰ ਅਤੇ ਜ਼ਿਆਦਾਤਰ ਬਾਕੀ ਲੋਕ ਨੀਵੀਆਂ ਜਾਤੀਆਂ ਤੋਂ ਸਬੰਧਤ ਹੋ ਜੋ ਕੁੱਝ ਵੀ ਤੁਸੀਂ ਕੀਤਾ ਉਹ ਰਾਜ ਦੇ ਇਸ਼ਾਰੇ 'ਤੇ ਕੀਤਾ ਤਾਂ ਕਿ ਇਸਦਾ ਮਤਲਬ ਤੁਹਾਨੂੰ ਸਭ ਲੋਕਾਂ ਨੂੰ ਇਸਤੇਮਾਲ ਕਰਕੇ ਫਿਰ ਆਪਣੇ ਹਾਲ 'ਤੇ ਛੱਡ ਦਿੱਤਾ ਗਿਆ '' ਤਾਂ ਸਿੰਘਲ ਜਵਾਬ ਦਿੰਦਾ ਹੈ '' ਹਾਂ ਅਸੀਂ ਸਭ ਦੇ ਸਭ ,, ਸਰਕਾਰ ਇਹ ਸਭ ਨਹੀਂ ਸੋਚਤੀ ਉਸਨੂੰ ਲੱਗਦਾ ਹੈ ਅਸੀਂ ਉਨਾਂ ਵਲੋਂ ਕਹੀ ਹਰੇਕ ਗੱਲ ਨੂੰ ਕਰਨ ਲਈ ਬੱਧੇ ਹੋਏ ਹਾਂ ਅਤੇ ਉਨਾਂ ਦੀ ਹਰੇਕ ਜਰੂਰਤ ਨੂੰ ਪੂਰਾ ਕਰਨ ਨੂੰ ਤਿਆਰ ਹਾਂ , ਹਰੇਕ ਸਰਕਾਰੀ ਨੌਂਕਰ ਉਹ ਚਾਹੇ ਜੋ ਵੀ ਕੰਮ ਕਰਦਾ ਹੋਵੇ ਸਰਕਾਰ ਲਈ ਹੀ ਕਰਦਾ ਹੈ ਲੇਕਿਨ ਕੰਮ ਹੋਣ ਤੋਂ ਬਾਅਦ ਨਾ ਤਾਂ ਸਮਾਜ ਅਤੇ ਨਾ ਹੀ ਸਰਕਾਰ ਤੁਹਾਨੂੰ ਪਹਿਚਾਣਦੀ ਹੈ , ਵਣਜਾਰਾ ਅਤੇ ਹੋਰਨਾਂ ਨੇ ਜੋ ਵੀ ਕੀਤਾ ਕੋਈ ਵੀ ਉਨਾਂ ਨਾਲ ਖੜ੍ਹਾ ਨਹੀਂ ਹੋਇਆ '' ।

ਕਾਂਡ-4 ਵਿੱਚ ਸਾਬਕਾ ਏ.ਟੀ.ਐਸ ਮੁਖੀ ਰਾਜਨ ਪ੍ਰਿਅ ਦਰਸ਼ੀ ਵੀ ਲੇਖਿਕਾ ਨਾਲ ਊਚ ਜਾਤੀ ਨੌਂਕਰਸ਼ਾਹਾਂ ਵਲੋਂ ਦਲਿਤ ਨੌਂਕਰਸ਼ਾਹਾਂ ਦੇ ਸ਼ੋਸ਼ਣ ਦਾ ਖੁਲਾਸਾ ਕਰਦਿਆਂ ਕਹਿੰਦਾ ਹੈ '' ਇਹ ਬੜੀ ਅਜੀਬ ਗੱਲ ਹੈ ਜਦੋਂ ਤੁਸੀਂ ਦਲਿਤ ਹੋ ਤਾਂ ਦਫ਼ਤਰ ਵਿੱਚ ਕੋਈ ਵੀ ਤੁਹਾਨੂੰ ਕੁੱਝ ਵੀ ਕਹਿ ਸਕਦਾ ਹੈ ਇਥੋਂ ਤੱਕ ਕਿ ਕਿਸੇ ਦੀ ਨਜਾਇਜ਼ ਹੱਤਿਆ ਕਰਨ ਲਈ ਵੀ ਕਿਹਾ ਜਾ ਸਕਦਾ ਹੈ ਗੁਜਰਾਤ ਪੁਲਸ ਵਿੱਚ ਉਪਰਲੀਆਂ ਜਾਤੀਆਂ ਹੀ ਵਿਸ਼ੇਸ਼ ਹਨ '' ਰਾਜਨ ਪ੍ਰਿਅ ਦਰਸ਼ੀ ਉਸ ਵੇਲੇ ਦੇ ਗੁਜਰਾਤ ਮੁੱਖ ਮੰਤਰੀ ਨਰਿੰਦਰ ਮੌਦੀ ਦੇ ਖਾਸ ਗ੍ਰਹਿ ਮੰਤਰੀ ਗੋਰਧਨ ਝੜਫੀਆ ਵਲੋਂ ਮੁਸਲਮਾਨਾਂ 'ਤੇ ਝੂਠੇ ਮੁਕੱਦਮੇ ਦਰਜ਼ ਕਰਵਾਉਣ ਦਾ ਖੁਲਾਸਾ ਵੀ ਕਰਦਾ ਹੈ '' ਦੇਖੋ ਮੇਂ ਰਾਜਕੋਟ ਪੁਲਸ ਮਹਾ ਨਿਰਦੇਸ਼ਕ ਸੀ ਜੂਨਾਗੜ੍ਹ ਵਿਖੇ ਸੰਪਰਾਦਾਇਕ ਦੰਗੇ ਹੋਏ ਗ੍ਰਹਿ ਮੰਤਰੀ ਗੋਰਧਨ ਝੜਫੀਆ ਨੇ ਮੇਨੂੰ ਫੋਨ ਕਰਕੇ ਤਿੰਨ ਨਾਂਅ ਲਿਖਾਏ ਅਤੇ ਕਿਹਾ ਇਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰੋ , ਮੈਂ ਕਿਹਾ ਇਹ ਤਿੰਨੇ ਮੇਰੇ ਕੋਲ ਹਨ ਅਤੇ ਇਨ੍ਹਾਂ ਦੀਆਂ ਕੋਸ਼ਿਸ਼ਾਂ ਕਰਕੇ ਹਿੰਦੂ-ਮੁਸਲਿਮ ਦੰਗੇ ਖ਼ਤਮ ਹੋਏ ਹਨ ਤਾਂ ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਇਹ ਮੁੱਖ ਮੰਤਰੀ ਮੌਦੀ ਜੀ ਦਾ ਹੁਕਮ ਹੈ '' ਰਾਜਨ ਪ੍ਰਿਅ ਦਰਸ਼ੀ ਇਹ ਗਿਲਾ ਵੀ ਕਰਦਾ ਹੈ ਕਿ ਮੈਂ ਡੀ.ਆਈ.ਜੀ ਬਨਣ ਤਾ ਹੱਕਦਾਰ ਸੀ ਪਰ ਇਨ੍ਹਾਂ ਲੋਕਾਂ ਦੇ ਨਜਾਇਜ਼ ਹੁਕਮ ਦੀ ਪਾਲਣਾ ਨਾ ਕਰਨ ਕਰਕੇ ਮੈਂ ਡੀ.ਆਈ.ਜੀ ਨਹੀਂ ਬਣ ਸਕਿਆ ।


ਕਾਂਡ-6 ਵਿੱਚ ਗੁਜਰਾਤ ਰਾਜ ਦੇ ਗ੍ਰਹਿ ਸਕੱਤਰ ਅਸ਼ੋਕ ਨਰਾਇਣ ਲੇਖਿਕਾ ਨਾਲ ਕਤਲੇਆਮ ਬਾਰੇ ਕਈ ਅਹਿਮ ਖੁਲਾਸੇ ਕਰਦੇ ਹੋਏ ਕਹਿੰਦੇ ਹਨ '' ਮੰਤਰੀਆਂ ਖਿਲਾਫ਼ ਕੋਈ ਕਾਰਵਾਈ ਨਹੀਂ ਹੋ ਸਕਦੀ ਕਿਉਂਕਿ ਉਹ ਬਹੁਤ ਚਲਾਕ ਹਨ ਤੇ ਫੋਨ 'ਤੇ ਕੋਡ ਭਾਸ਼ਾ ਦੀ ਵਰਤੋਂ ਕਰਦੇ ਸਨ ਜਿਵੇਂ '' ਉਸ ਇਲਾਕੇ ਦਾ ਖਿਆਲ ਰੱਖਣਾ ਜਿਸਦਾ ਸਿੱਧਾ ਸਾਧਾ ਮਤਲਬ ਹੁੰਦਾ ਸੀ ਕਿ ਉਸ ਇਲਾਕੇ 'ਚ ਕਤਲੇਆਮ ਜਰੂਰ ਹੋਵੇ '' ਗ੍ਰਹਿ ਸਕੱਤਰ ਰਾਜ ਦੇ ਅੰਦਰੂਨੀ ਫਿਰਕਾਪ੍ਰਸਤ ਰਾਜਨੀਤੀ ਬਾਰੇ ਵੀ ਹੈਰਾਨੀਜਨਕ ਖੁਲਾਸਾ ਕਰਦਾ ਹੈ '' ਮੌਦੀ ਅਤੇ ਤੌਗੜੀਆ ਦੋਵੇਂ ਇਕੱਠੇ ਮੋਟਰਸਾਇਕਲ 'ਤੇ ਬੈਠ ਕੇ ਸੰਘ ਦੀ ਵਿਚਾਰਧਾਰਾ ਗੁਜ਼ਰਾਤ 'ਚ ਫੈਲਾਉਂਦੇ ਸੀ ਪ੍ਰਵੀਨ ਤੌਗੜੀਆ ਹੀ ਭਗਵਾਂ ਧਾਰੀ ਪੁਲਸ ਅਧਿਕਾਰੀਆਂ ਨੂੰ ਤੈਨਾਤ ਕਰਨ ਅਤੇ ਬਦਲੀ ਕਰਨ ਦਾ ਕੰਮ ਕਰਦੇ ਸੀ ਜਿੰਨ੍ਹਾਂ ਨੇ 2002 'ਚ ਗੋਧਰਾ ਕਾਂਡ ਤੋਂ ਬਾਅਦ ਭਿਆਨਕ ਕਤਲੇਆਮ 'ਚ ਇਨ੍ਹਾਂ ਦਾ ਸਾਥ ਦੇ ਕੇ ਸ਼ੱਕੀ ਭੂਮਿਕਾ ਨਿਭਾਈ '' ਗ੍ਰਹਿ ਸਕੱਤਰ ਅਨੁਸਾਰ '' ਪਟੇਲ ਭਾਈਚਾਰੇ ਦੇ ਮਸੀਹਾ ਹਾਰਦਿਕ ਪਟੇਲ ਵੀ ਮੌਦੀ ਖੇਮੇ ਦੀ ਹੀ ਉਪਜ ਹੈ ਜੋ ਤੌਗੜੀਆ , ਅਡਵਾਨੀ , ਸੰਕਰ ਸਿਹੁੰਂ ਵਘੇਲਾ , ਕੇਸ਼ੂ ਭਾਈ ਪਟੇਲ , ਅਮਿਤ ਸ਼ਾਹ ਅਤੇ ਨਰਿੰਦਰ ਮੌਦੀ ਵਰਗਿਆਂ ਦੀ ਗੁਜ਼ਰਾਤ ਰਾਜ ਸੱਤਾ 'ਤੇ ਕਬਜ਼ਾ ਜਮਾਏ ਰੱਖਣ ਦੀ ਆਪਸੀ ਖਿੱਚੋਤਾਣ ਦਾ ਨਤੀਜ਼ਾ ਹੈ ।

ਕਿਤਾਬ ਦੇ ਕਾਂਡ-7 'ਤੇ ਲੇਖਿਕਾ ਗੁਜਰਾਤ ਪੁਲਸ ਦੇ ਖੂਫੀਆ ਵਿਭਾਗ ਦੇ ਮੁਖੀ ਜੀ.ਸੀ ਰਾਅਗਰ ਨਾਲ ਹੋਈ ਮੁਲਾਕਾਤ ਬਿਆਨ ਕਰਦੀ ਹੈ ਜਿਸ 'ਚ ਉਹ ਆਖਦੇ ਹਨ '' ਗੁਜ਼ਰਾਤ ਦੰਗੇ ਭਾਜਪਾ ਅਤੇ ਮੌਦੀ ਲਈ ਬਹੁਤ ਮਦਦਗਾਰ ਸਾਬਿਤ ਹੋਏ '' ਰਾਅਗਰ ਅਨੁਸਾਰ '' ਅਗਲੀਆਂ ਚੌਣਾਂ ਤੋਂ ਪਹਿਲਾਂ ਉਹ ਘਬਰਾਏ ਹੋਏ ਸੀ ਪਰ ਇਹ ਦੰਗੇ ਉਨ੍ਹਾਂ ਦੇ ਕੰਮ ਆਏ ਤੇ ਉਨ੍ਹਾਂ ਸੋਚਿਆ ਕਿ ਇਹ ਉਨਾਂ ਲਈ ਬਹੁਤ ਹੀ ਫ਼ਾਇਦੇਮੰਦ ਸਾਬਿਤ ਹੋਏ ਹਨ '' ਖੂਫੀਆ ਵਿਭਾਗ ਦੇ ਮੁਖੀ ਰਾਅਗਰ ਦੰਗਿਆਂ ਦੌਰਾਣ ਹਿੰਦੂ ਦੰਗਾਕਾਰੀਆਂ ਪ੍ਰਤੀ ਨਰਮ ਰਹਿਣ ਲਈ ਰਾਜਨੀਤਿਕ ਹੁਕਮਾਂ ਦੇ ਖੁਲਾਸੇ ਵੀ ਕਰਦਾ ਹੈ '' ਜੋ ਲੋਕ ਮਹੱਤਵਪੂਰਨ ਅਹੁਦਿਆਂ 'ਤੇ ਸੀ ਕੁੱਝ ਇਲਾਕਿਆਂ 'ਚ ਉਨਾਂ ਨਾਲ ਇਸ ਸਬੰਧੀ ਗੱਲ ਹੋਈ ਸੀ '' ਦੰਗਿਆਂ 'ਚ ਨੌਂਕਰਸ਼ਾਹਾਂ ਵਲੋਂ ਨਿੱਜੀ ਲਾਭ ਪ੍ਰਾਪਤ ਕਰਨ ਲਈ ਹਰੇਕ ਹੁਕਮ ਮੰਨਣ ਸਬੰਧੀ ਉਨ੍ਹਾਂ ਕਿਹਾ '' ਬਹੁਤ ਨੌਂਕਰਸ਼ਾਹ ਐਸੇ ਸੀ ਜੇਹੜੇ ਕਹਿੰਦੇ ਸੀ ਸ਼੍ਰੀ ਮਾਨ ਜੀ ਹਾਂ ਅਸੀਂ ਕਰਾਂਗੇ '' ਲੇਖਿਕਾ ਰਾਣਾ ਅਯੂਬ ਇਸ ਕਿਤਾਬ ਦੇ ਕਾਂਡ-8 'ਤੇ ਮੌਦੀ ਅਤੇ ਅਮਿਤ ਸ਼ਾਹ ਦੇ ਖਾਸ ਊਚ ਜਾਤੀ ਪੁਲਸ ਕਮਿਸ਼ਨਰ ਪੀ.ਸੀ ਪਾਂਡੇ ਨਾਲ ਹੋਈ ਮੁਲਾਕਾਤ ਦਰਜ਼ ਕਰਦੀ ਹੈ ਜਿਸ ਨੂੰ ਦੰਗਿਆਂ ਦੇ ਦੌਸ਼ੀ ਪਾਏ ਜਾਣ ਤੋਂ ਬਾਅਦ ਵੀ ਰਿਟਾਇਰ ਹੋਣ 'ਤੇ ਰਾਜ ਦਾ ਖਾਸ ਅਹੁਦਾ ਦਿੱਤਾ ਗਿਆ ।

ਊਚ ਜਾਤੀ ਅਫ਼ਸਰਾਂ ਦੇ ਮਨ ਵਿੱਚ ਮੁਸਲਮਾਨਾਂ ਪ੍ਰਤੀ ਕਿੰਨੀ ਨਫ਼ਰਤ ਸੀ ਇਹ ਲੇਖਿਕਾ ਨਾਲ ਮੁਲਾਕਾਤ 'ਤੇ ਜ਼ਾਹਿਰ ਕਰਦਾ ਹੈ '' ਦੇਖੋ '' ਸੰਘ ਪਰਿਵਾਰ '' ਅਤੇ '' ਭਾਜਪਾ '' ਗੁਜ਼ਰਾਤ ਸਰਕਾਰ ਦੀ ਰੀੜ੍ਹ ਦੀ ਹੱਡੀ ਹੈ ਅਤੇ ਇਹੀ ਇਕੱਲਾ ਸੰਗਠਨ ਹੈ ਜੋ ਮੁਸਲਿਮ ਪਾਰਟੀਆਂ ਨੂੰ ਟੱਕਰ ਦੇ ਸਕਦਾ ਹੈ ਅਤੇ ਮੈਨੂੰ ਖੁਸ਼ੀ ਹੈ ਕਿ ਦੰਗਿਆਂ ਦੌਰਾਣ ਮੁਸਲਮਾਨਾਂ ਨੂੰ ਸਬਕ ਸਿਖਾਇਆ ਗਿਆ ਅਤੇ ਜੋ ਵੀ ਹੋਇਆ ਠੀਕ ਹੋਇਆ ਮੈਂ ਬਹੁਤ ਖੁਸ਼ ਹਾਂ ਕਿ ਮੈਂ ਇਨ੍ਹਾਂ ਲੋਕਾਂ (ਮੁਸਲਮਾਨਾਂ) ਨੂੰ ਸਲਾਖਾਂ ਦੇ ਪਿੱਛੇ ਭਿਜਵਾ ਸਕਿਆ ਮੇਰੇ ਲਈ ਇਹ ਤਸੱਲੀ ਵਾਲੀ ਗੱਲ ਹੈ '' ਲੇਖਿਕਾ ਗੁਜ਼ਰਾਤ ਦੇ ਇੱਕ ਹੋਰ ਦੌਸ਼ੀ ਪੁਲਸ ਅਫ਼ਸਰ ਡੀ.ਜੀ.ਪੀ ਕੇ. ਚੱਕਰਵਰਤੀ ਨਾਲ ਹੋਈ ਮੁਲਾਕਾਤ ਅਤੇ ਉਸ ਵਲੋਂ ਕੀਤੇ ਅਹਿਮ ਖੁਲਾਸੇ ਕਾਂਡ-9 ਵਿੱਚ ਬਿਆਨ ਕਰਦੀ ਹੈ ਜਿਸ ਵਿੱਚ ਕੇ.ਚੱਕਰਵਰਤੀ ਗੁਜ਼ਰਾਤ ਦੰਗਿਆਂ ਵਿੱਚ ਆਪਣੀ , ਭਾਜਪਾ ਅਤੇ ਆਰ.ਐਸ.ਐਸ ਦੀ ਭੂਮਿਕਾ ਬਾਰੇ ਵੱਡੇ ਖੁਲਾਸੇ ਕਰਦੇ ਹਨ '' ਐਸੀ ਮਜ਼ਬੂਰੀ ਬਨਣੀ ਤੈਅ ਸੀ ਇਕ ਸ਼ਖਸ ਜੋ ਆਰ.ਐਸ.ਐਸ ਦੇ ਕੇਡਰ ਦੇ ਤੌਰ 'ਤੇ ਵੱਡਾ ਹੋਇਆ ਉਸਦਾ ਉਨ੍ਹਾਂ ਦੀਆਂ ਮੰਗਾਂ ਉਤੇ ਝੁਕਣਾ ਤੈਅ ਸੀ ਤੇ ਜਦੋਂ ਇਸ ਵਿੱਚ ਤੁਹਾਨੂੰ ਬਨਾਉਣ ਵਾਲਾ ਸੰਗਠਨ ਹੀ ਸ਼ਾਮਿਲ ਹੋਵੇ ਅਤੇ ਉਦੋਂ ਜਦੋਂ ਸੱਤਾ ਦਾ ਭੁੱਖਾ ਮੰਤਰੀ ਵੀ ਹੋਵੇ '' ਡੀ.ਜੀ.ਪੀ ਚੱਕਰਵਰਤੀ ਅਨੁਸਾਰ ਇਨ੍ਹਾਂ ਦੰਗਿਆਂ ਵਿੱਚ ਕੇਵਲ ਗਰੀਬ ਲੋਕ ਹੀ ਸ਼ਾਮਲ ਨਹੀਂ ਸਨ ਸਗੋਂ ਇਥੇ ਤਾਂ ਸਾਰੇ ਅਮੀਰ ਲੋਕ ਸੜਕਾਂ 'ਤੇ ਸੀ ਕੁੱਝ ਲੋਕਾਂ ਨੇ ਕਾਲ ਕਰਕੇ ਕਿਹਾ '' ਸਰ ਸ਼ੋਪਰਜ਼ ਸਟਾਪ 'ਤੇ ਲੋਕ ਮਰਸਡੀਜ਼ ਕਾਰਾਂ ਵਿੱਚ ਆ ਕੇ ਲੁੱਟ ਰਹੇ ਹਨ ਇਹ ਸਭ ਇਸ ਲਈ ਸੀ ਕਿਉਂਕਿ ਹਿੰਦੂਆਂ ਨੂੰ ਸਿਖਾਇਆ ਗਿਆ ਕਿ ਗਜਨੀ ਅਤੇ ਬਾਬਰ ਨੇ ਭਾਰਤ 'ਤੇ ਹਮਲੇ ਕਰਕੇ ਸੋਮਨਾਥ ਮੰਦਿਰ ਲੁੱਟਿਆ ''

ਕਿਤਾਬ ਦੇ ਕਾਂਡ-10 'ਤੇ ਅਹਿਮਦਾਬਾਦ ਦੀ ਵਿਧਾਇਕ ਅਤੇ ਦੰਗਿਆਂ ਦੀ ਦੌਸ਼ੀ ਮਾਇਆ ਕੋਡਨਾਨੀ ਅਤੇ ਰਾਜਕੋਟ ਦੀ ਪੁਲਸ ਕਮਿਸ਼ਨਰ ਗੀਤਾ ਜੌਹਰੀ ਦੀ ਮੁਲਾਕਾਤ ਦਰਜ਼ ਹੈ , ਦੰਗਿਆਂ ਦੇ ਦੌਸ਼ 'ਚ ਘਿਰੀ ਮਾਇਆ ਕੋਡਨਾਨੀ ਹੁਣ ਨਰਿੰਦਰ ਮੌਦੀ ਪ੍ਰਤੀ ਨਫ਼ਰਤ ਨਾਲ ਭਰੀ ਹੈ ਅਤੇ ਲੇਖਿਕਾ ਨੂੰ ਦੱਸਦੀ ਹੈ ਕਿ '' ਮੌਦੀ ਨੇ ਆਪਣੀ ਸਹੂਲਤ ਅਨੁਸਾਰ ਮੈਨੂੰ ਅਤੇ ਗੋਰਧਨ ਝੜਫੀਆ ਨੂੰ ਪੁਲਸ ਮਾਮਲੇ ਦਾ ਬਹਾਨਾ ਬਣਾ ਕੇ ਰਸਤੇ ਤੋਂ ਲਾਂਭੇ ਕੀਤਾ ਹੈ ਕਿਉਂਕਿ ਮੌਦੀ ਹੁਣ ਸਾਨੂੰ ਪਸੰਦ ਨਹੀਂ ਕਰਦੇ , ਮੁਸਲਮਾਨਾਂ ਪ੍ਰਤੀ ਨਫ਼ਰਤ ਅਤੇ ਹਿੰਦੂਆਂ ਪ੍ਰਤੀ ਗੁੱਸੇ ਦਾ ਇਜ਼ਹਾਰ ਕਰਦਿਆਂ ਆਖਦੀ ਹੈ '' ਸਾਡੇ ਧਰਮ 'ਚ ਬੱਚੇ ਨੂੰ ਸ਼ੁਰੂ ਤੋਂ ਸਿਖਾਇਆ ਜਾਂਦਾ ਹੈ ਕਿ ਕੀੜੀ ਨੂੰ ਵੀ ਨਾ ਮਾਰੋ ਪਰ ਮੁਸਲਮਾਨ ਬੱਚਿਆਂ ਨੂੰ ਸਿਖਾਉਂਦੇ ਹਨ ਕਿ ਮਾਰੋ ਤਾਂ ਹੀ ਮੁਸਲਮਾਨ ਹੋ ਅਤੇ ਇੰਝ ਕਰਨ 'ਤੇ ਤੁਹਾਨੂੰ ਸਵਰਗ ਦੀਆਂ ਪਰੀਆਂ ਮਿਲਣਗੀਆਂ ਸਾਡੀ ਨਵੀਂ ਪੀੜ੍ਹੀ ਦੀ ਕੋਈ ਵੀ ਵਿਚਾਰਧਾਰਾ ਨਹੀਂ ਹੈ ਕੁੱਝ ਵੀ ਹੋ ਜਾਏ ਇਹ ਸੜਕਾਂ 'ਤੇ ਨਹੀਂ ਉਤਰਣਗੇ ''

ਰਾਜਕੋਟ ਪੁਲਸ ਕਮਿਸ਼ਨਰ ਗੀਤਾ ਜੌਹਰੀ , ਪੁਲਸ ਕਮਿਸ਼ਨਰ ਵਣਜਾਰਾ ਅਤੇ ਹੋਰ ਕਈਆਂ ਵਲੋਂ ਰਾਜ ਦੇ ਉਸ ਵੇਲੇ ਦੇ ਮੁੱਖ ਮੰਤਰੀ ਨਰਿੰਦਰ ਮੌਦੀ , ਅਮਿਤ ਸ਼ਾਹ ਹੋਰ ਕਈ ਰਾਜਨੀਤਿਕਾਂ ਅਤੇ ਵਿਭਾਗਾਂ ਬਾਰੇ ਇਸ ਕਿਤਾਬ 'ਚ ਬਹੁਤ ਸਾਰੇ ਅਹਿਮ ਖੁਲਾਸੇ ਹਨ ਇਥੋਂ ਤੱਕ ਕਿ ਮੌਜ਼ੂਦਾ ਵਿੱਤ ਮੰਤਰੀ ਅਰੁਣ ਜੇਤਲੀ ਵਲੋਂ ਉਸ ਵਕਤ ਦੇ ਭਾਰਤ ਦੇ ਪ੍ਰਧਾਨ ਮੰਤਰੀ ਡਾ. ਮਣਮੋਹਨ ਸਿੰਘ ਵੱਲ ਲਿਖੇ ਇੱਕ ਲੰਬੇ ਚੌੜੇ ਪੱਤਰ ਦਾ ਜਿਕਰ ਹੈ ਜਿਸ ਅਨੁਸਾਰ ਗੁਜ਼ਰਾਤ ਕਤਲੇਆਮ 'ਚ ਸ਼ਾਮਲ '' ਭਾਜਪਾ '' ਅਤੇ '' ਸੰਘਵਾਦੀ '' ਫਿਰਕੂ ਰਾਜਨੀਤਿਕਾਂ ਅਤੇ ਕਈ ਦੌਸ਼ੀ ਮੰਤਰੀਆਂ ਨੂੰ ਬਚਾਉਣ ਲਈ ਦੰਗਿਆਂ ਨੂੰ ਰਾਜਨੀਤਿਕ ਰੰਗਤ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ ਅਤੇ ਇਨ੍ਹਾਂ ਹੀ ਨਹੀਂ ਲੇਖਿਕਾ ਕਿਤਾਬ ਦੇ ਕਾਂਡ-11 ਅਤੇ ਅੰਤ ਵਿੱਚ ਇੱਕ ਅਹਿਮ ਖੁਲਾਸਾ ਕਰਦੀ ਹੈ ਕਿ ਉਸ ਵੇਲੇ ਮੁੱਖ ਮੰਤਰੀ ਮੌਦੀ ਦੇ ਵਿਰੋਧੀ ਭਾਜਪਾਈ ਗ੍ਰਹਿ ਮੰਤਰੀ ਹਿਰਨ ਪਾਂਡਿਆ ਦੇ ਕਤਲ ਦਾ ਦੌਸ਼ ਇੱਕ ਕਥਿਤ ਮੁਸਲਮਾਨ ਮੁਫ਼ਤੀ ਸੂਫੀਅਨ ਦੇ ਸਿਰ ਲੱਗਾ ਅਤੇ ਜਿਸਨੂੰ ਕਥਿਤ ਤੌਰ 'ਤੇ ਰਾਜ ਸਰਕਾਰ ਵਲੋਂ ਫਰਾਰ ਕਰਵਾ ਦਿੱਤਾ ਗਿਆ ਜਿਸ ਨਾਲ ਮੁਸਲਮਾਨਾਂ ਪ੍ਰਤੀ ਹਿੰਦੂਆਂ ਦੇ ਮਨਾਂ ਵਿੱਚ ਹੋਰ ਵੀ ਨਫ਼ਰਤ ਵਧੀ ।|

ਕੁੱਲ ਮਿਲਾ ਕੇ '' ਗੁਜ਼ਰਾਤ ਫਾਂਇਲਾਂ '' ਨਾਂਅ ਦੀ ਇਹ ਕਿਤਾਬ ਭਾਰਤ ਦੇਸ਼ ਦੇ ਭ੍ਰਿਸ਼ਟ , ਜ਼ਾਲਮ ਅਤੇ ਫਿਰਕਾਪ੍ਰਸਤ ਰਾਜਨੀਤਿਕਾਂ , ਲਾਲਚੀ ਅਤੇ ਊਚ ਜਾਤੀ ਅਫ਼ਸਰਸ਼ਾਹਾਂ ਵਲੋਂ ਦਲਿਤਾਂ ਅਤੇ ਘੱਟ ਗਿਣਤੀਆਂ ਪ੍ਰਤੀ ਨਸਲਘਾਤ ਦੀ ਨੀਤੀ ਬਿਆਨ ਕਰਦੀ ਹੈ । ਇਸ ਲਈ ਇਹ ਕਿਤਾਬ ਦਲਿਤਾਂ , ਘੱਟ ਗਿਣਤੀ ਕੌਮਾਂ ਅਤੇ ਹਰੇਕ ਇਨਸਾਫ਼ ਪਸੰਦ ਨਾਗਰਿਕ ਨੂੰ ਜਰੂਰ ਪੜ੍ਹਣੀ ਚਾਹੀਦੀ ਹੈ ਇਹ ਕਿਤਾਬ ਅੰਗਰੇਜ਼ੀ , ਹਿੰਦੀ ਅਤੇ ਹੋਰ ਭਾਸ਼ਾਵਾਂ ਤੋਂ ਇਲਾਵਾ ਪੰਜਾਬੀ ਵਿੱਚ ਵੀ ਮਿਲਦੀ ਹੈ ।


Comments

 

Disclaimer: Panthic.org does not necessarily endorse the views and opinions voiced in the feedback from our readers, and cannot be held responsible for their views.

Background and Psyche of Anti-Sikh Events of 1984 & the RSS : Video Interview with Bhai Ratinder Singh

Akaal Channel's interview with Panthic.org Senior Editor Bhai Ratinder Singh regarding anti-Sikh events in 1983, and 1984 in Indore Madhya Pardes and the RSS Psyche
Read Full Article


RECENT ARTICLE & FEATURES

ਭਾਈ ਤਾਰੂ ਸਿੰਘ

 

ਭਾਈ ਤਾਰੂ ਸਿੰਘ ਦਾ ਨਾਮ ਸਿੱਖ ਸ਼ਹੀਦਾਂ ਵਿੱਚ ਸਤਿਕਾਰ ਨਾਲ ਲਿਆ ਜਾਂਦਾ ਹੈ। ਸਿੱਖ ਗੁਰੂਆਂ, ਚਾਰ ਸਾਹਿਬਜ਼ਾਦਿਆਂ, ਚਾਲੀ ਮੁਕਤਿਆਂ ਦੇ ਨਾਲ ਨਾਲ, ਬੰਦ-ਬੰਦ ਕਟਵਾਇਆ (ਭਾਈ ਮਨੀ ਸਿੰਘ), ਖੋਪੜੀਆਂ ਲੁਹਾਈਆਂ (ਭਾਈ ਤਾਰੂ ਸਿੰਘ), ਚਰੱਖੜੀਆਂ ਤੇ ਚੜੇ (ਸਰਦਾਰ ਸੁਬੇਗ ਸਿੰਘ ਅਤੇ ਸ਼ਾਬਾਜ਼ ਸਿੰਘ) ਸਿੱਖ ਅਰਦਾਸ ਦਾ ਅਟੁੱਟਵਾਂ ਅੰਗ ਹੈ।...

Read Full Article

ਬੰਦ ਬੰਦ ਕਟਾਉਣ ਵਾਲੇ ਭਾਈ ਮਨੀ ਸਿੰਘ

 

ਬਾਬਾ ਦੀਪ ਸਿੰਘ ਦੀ ਸ਼ਹਾਦਤ ਤੋਂ ਜਲਦ ਬਾਅਦ ਵਿਦਵਾਨ, ਯੋਧਾ ਅਤੇ ਅੰਮ੍ਰਿਤਸਰ ਦੀ ਮਰਿਆਦਾ ਬੰਨ੍ਹਣ ਵਾਲੇ ਸਿੰਘ ਭਾਈ ਮਨੀ ਸਿੰਘ (੧੬੧੪-੧੭੩੭) ਨੂੰ ਵੀ ਸ਼ਹੀਦ ਕਰ ਦਿੱਤਾ ਗਿਆ। ਚਿਤੇਰੇ ਕਿਰਪਾਲ ਸਿੰਘ ਨੇ ਬੰਦ ਬੰਦ ਕੱੱਟੇ ਜਾਣ ਦੇ ਸਮੇਂ ਨੂੰ ਚਿਤਵਦਿਆਂ ਇੱਕ ਚਿੱਤਰ ਤਿਆਰ ਕੀਤਾ ਜੋ ੧੯੫੭ ਦਾ ਬਣਿਆ ਹੋਇਆ ਹੈ। ਇਹ ਤੇਤੀ ਗੁਣਾਂ ਤਰਤਾਲੀ ਇੰਚ ਦਾ ਹੈ। ਭਾਈ ਮਨੀ ਸਿੰਘ ਦੀ ਸ਼ਹੀਦੀ ਦਰਸਾਉਣ ਵਾਲਾ ਸੰਭਵ ਤੌਰ 'ਤੇ ਇਹ ਪਹਿਲਾ ਚਿੱਤਰ ਹੈ। ਇਸ ਦਾ ਮਹੱਤਵ ਇਹ ਵੀ ਹੈ ਕਿ ਕਿਸੇ ਦੂਜੇ ਫ਼ਨਕਾਰ ਨੇ ਇਸ ਤ੍ਰਾਸਦੀ ਨੂੰ ਵਿਸ਼ਾ ਬਣਾ ਕੇ ਆਪਣੇ ਫ਼ਨ ਦਾ ਮੁਜ਼ਾਹਰਾ ਨਹੀਂ ਕੀਤਾ। ਭਾਈ ਮਨੀ ਸਿੰਘ ਦੇ ਬਚਪਨ ਦਾ ਨਾਂ ਮਨੀ ਰਾਮ (ਮਨੀਆ ਵੀ ਕਹਿ ਲੈਂਦੇ ਸਨ) ਸੀ। ਪਿਤਾ ਰਾਓ ਮਾਈ ਦਾਸ ਅਤੇ ਮਾਤਾ ਮਦਰੀ ਬਾਈ (ਲੱਖੀ ਸ਼ਾਹ ਵਣਜਾਰਾ ਦੀ ਧੀ) ਸੀ। ਮਨੀ ਰਾਮ ਆਪਣੇ ਬਾਰਾਂ ਭਰਾਵਾਂ ਵਿੱਚੋਂ ਇੱਕ ਸੀ।...

Read Full Article

ਸੇਵਾ ਦਾ ਆਦਰਸ਼ ਰੂਪ ਭਾਈ ਘਨੱਈਆ ਜੀ

 

ਸੇਵਾ ਨੂੰ ਸਿੱਖ ਧਰਮ ਵਿੱਚ ਖ਼ਾਸ ਮਹੱਤਵ ਪ੍ਰਾਪਤ ਹੈ। ਇਸ ਦੀ ਸ਼ੂਰਆਤ ਗੁਰੂ ਨਾਨਕ ਦੇਵ ਤੋਂ ਹੀ ਹੋ ਗਈ ਸੀ, ਜਦੋਂ ਪਿਤਾ ਮਹਿਤਾ ਕਲਿਆਣ ਦਾਸ ਨੇ ਉਨ੍ਹਾਂ ਨੂੰ ਵਪਾਰ ਸ਼ੁਰੂ ਕਰਨ ਲਈ ਵੀਹ ਰੁਪਏ ਦਿੱਤੇ ਸਨ। ਗੁਰੂ ਨਾਨਕ ਦੇਵ ਜੀ ਤੋਂ ਬਾਅਦ ਹੋਰ ਸਾਰੇ ਗੁਰੂ ਸਾਹਿਬਾਨ ਨੇ ਇਸ ਰੀਤ ਨੂੰ ਹੋਰ ਦ੍ਰਿੜ੍ਹ ਕੀਤਾ। ਗੁਰੂ ਗੋਬਿੰਦ ਸਿੰਘ ਜੀ ਤਕ ਪਹੁੰਚਦਿਆਂ-ਪਹੁੰਚਦਿਆਂ ਇਸ ਦਾ ਦਾਇਰਾ ਹੋਰ ਵਸੀਹ ਹੋ ਗਿਆ। ...

Read Full Article

ਪੁਸਤਕ ਸਮੀਖਿਆ ਗੁਜਰਾਤ ਫਾਈਲਾਂ :- ਪਰਦਾਪੋਸ਼ੀ ਦੀ ਚੀਰਫਾੜ

 

ਗੁਜਰਾਤ ਫਾਈਲਾਂ ਨਾਮ ਦੀ ਕਿਤਾਬ ਪੱਤਰਕਾਰ ਰਾਣਾ ਅਯੂਬ ਵਲੋਂ ਗੁਜਰਾਤ ਦੇ ਮੁਸਲਿਮ ਕਤਲੇਆਮ , ਝੂਠੇ ਪੁਲਸ ਮੁਕਾਬਲੇ ਅਤੇ ਗੁਜਰਾਤ ਦੇ ਗ੍ਰਹਿ ਮੰਤਰੀ ਹਿਰੇਨ ਪਾਂਡਿਯਾ ਦੇ ਕਤਲ ਦੀ ਛਾਨਬੀਣ ਦਾ ਵੇਰਵਾ ਹੈ । ਇਹ ਛਾਨਬੀਣ ਲੇਖਿਕਾ ਰਾਣਾ ਅਯੂਬ ਨੇ ਅਮਰੀਕਨ ਫਿਲਮਸਾਜ਼ ਮੈਥਿਲੀ ਤਿਆਗੀ ਨਾਮ ਦੀ ਲੜਕੀ ਬਣ ਕੇ 2001 ਤੋਂ 2010 ਤੱਕ ਗੁਜਰਾਤ 'ਚ ਰਹੇ ਉਚ ਪੁਲਸ ਅਫ਼ਸਰਾਂ , ਨੌਂਕਰਸ਼ਾਹਾਂ ਤੇ ਰਾਜਨੀਤਿਕਾਂ ਨਾਲ ਮੁਲਾਕਾਤਾਂ ਕਰਕੇ ਸਟਿੰਗ ਆਪ੍ਰੇਸ਼ਨ ਰਾਂਹੀ ਕੀਤੀ ਹੈ । ...

Read Full Article

ਸਿਰੁ ਧਰਿ ਤਲੀ ਗਲੀ ਮੇਰੀ ਆਉ : ਅਸਾਧਾਰਨ ਸਮੇਂ ਦਾ ਅਸਾਧਾਰਨ ਚਿਤਰਣ

 

ਸਿੱਖ ਧਰਮ ਵਿੱਚ ਸ਼ਹੀਦਾਂ ਨੂੰ ਸਤਿਕਾਰ ਨਾਲ ਯਾਦ ਕੀਤਾ ਜਾਂਦਾ ਹੈ ਅਤੇ ਬਾਬਾ ਦੀਪ ਸਿੰਘ ਦੀ ਕੁਰਬਾਨੀ ਦੀ ਦੋ ਕਾਰਨਾਂ ਕਰਕੇ ਵੱਖਰੀ ਮਹੱਤਤਾ ਹੈ। ਇੱਕ, ਉਨ੍ਹਾਂ ਅੰਮ੍ਰਿਤਸਰ ਦੀ ਪਵਿੱਤਰਤਾ ਦੀ ਮੁੜ ਬਹਾਲੀ ਵਾਸਤੇ ਲੜਦਿਆਂ ਆਪਣੇ ਪ੍ਰਾਣ ਤਿਆਗੇ। ਦੂਜਾ, ਇਹ ਬੀੜਾ ਉਨ੍ਹਾਂ ਉਸ ਸਮੇਂ ਚੁੱਕਿਆ ਜਦੋਂ ਉਹ ਪੰਝਤਰ ਸਾਲਾਂ ਦੇ ਸਨ। ਉਹ ਗੁਰੂ ਗੋਬਿੰਦ ਸਿੰਘ ਦੇ ਸੰਪਰਕ ਵਿੱਚ ਲੰਬੇ ਸਮੇਂ ਤਕ ਰਹੇ। ਉਨ੍ਹਾਂ ਆਪਣਾ ਸਮੁੱਚਾ ਜੀਵਨ ਸਿੱਖ ਧਰਮ ਦੇ ਪ੍ਰਚਾਰ ਪ੍ਰਸਾਰ ਅਤੇ ਇਸ ਦੀ ਰੱਖਿਆ ਲੇਖੇ ਲਾ ਦਿੱਤਾ। ...

Read Full Article

ਸਿਰ ਦੀਉ ਧਰ ਮੱਸੇ ਦਾ ਸਿੰਘਾਂ ਕੇ ਆਗਾਹੀ

 

ਸਿੱਖ ਕੌਮ ਦਾ ਇਤਿਹਾਸ ਸੂਰਬੀਰਾਂ ਦੇ ਵਿਲੱਖਣ ਕਾਰਨਾਮਿਆਂ ਨਾਲ ਭਰਿਆ ਪਿਆ ਹੈ। ਭਾਈ ਮਹਿਤਾਬ ਸਿੰਘ ਤੇ ਸੁੱਖਾ ਸਿੰਘ ਵੱਲੋਂ ਮੱਸੇ ਰੰਗੜ ਦਾ ਸਿਰ ਵੱਢ ਕੇ ਲਿਆਉਣਾ ਅਜਿਹਾ ਹੀ ਸਾਹਸੀ ਕਾਰਜ ਸੀ। ਚਿੱਤਰਕਾਰ ਕਿਰਪਾਲ ਸਿੰਘ ਨੇ ਇਸ ਦ੍ਰਿਸ਼ ਨੂੰ ਬਾਖ਼ੂਬੀ ਚਿਤਰਿਆ ਹੈ। ਇਤਿਹਾਸਕ ਤੱਥਾਂ ਨੂੰ ਮੁੱਖ ਰੱਖ ਕੇ ਬਣਾਏ ਗਏ ਇਸ ਚਿੱਤਰ ਬਾਰੇ ਤਫ਼ਸੀਲ ਸਹਿਤ ਜਾਣਕਾਰੀ ਦਿੰਦੀ ਹੈ ਇਹ ਰਚਨਾ। ...

Read Full Article

ਚੰਡੀ ਦੀ ਵਾਰ ਰਾਂਹੀ ਦਸ਼ਮੇਸ਼ ਪਿਤਾ ਜੀ ਦਾ ਸਿੱਖ ਨੌਜਵਾਨ ਬੱਚੀਆਂ ਨੂੰ ਸੁਨੇਹਾ

 

ਚੰਡੀ ਦੀ ਵਾਰ ਭਾਵੇਂ ਦੈਂਤਾਂ ਅਤੇ ਦੇਵਤਿਆਂ ਦੇ ਯੁੱਧ ਦਾ ਵਰਨਣ ਹੈ ਪਰ ਗੁਰੂ ਸਾਹਿਬ ਜੀ ਨੇ ਇਸਤਰੀ ਨਾਇਕ ਦੁਰਗਾ ਨੂੰ ਸੰਸਾਰ ਸਾਹਮਣੇ ਪੇਸ਼ ਕਰਕੇ ਇਹ ਸੰਦੇਸ਼ ਦਿੱਤਾ ਹੈ ਕਿ ਜੇਕਰ ਇੱਕ ਇਸਤਰੀ ਵੱਡੇ-ਵੱਡੇ ਤਾਕਤਵਾਰ ਦੈਂਤਾਂ ਦਾ ਮੁਕਾਬਲਾ ਕਰਕੇ ਜਿੱਤ ਪ੍ਰਾਪਤ ਕਰ ਸਕਦੀ ਹੈ ਤਾਂ ਤੁਸੀਂ ਮਰਦ ਹੋ ਕੇ ਅਜਿਹਾ ਕਿਉਂ ਨਹੀਂ ਕਰ ਸਕਦੇ। ਗੁਰੂ ਸਾਹਿਬ ਇਹ ਚਹੁੰਦੇ ਸਨ ਕਿ ਖ਼ਾਲਸਾ ਪੰਥ ਵਿੱਚ ਕੇਵਲ ਮਰਦ ਹੀ ਨਹੀਂ ਸਗੋਂ ਇਸਤਰੀਆਂ ਵੀ ਹਰੇਕ ਤਰ੍ਹਾਂ ਨਾਲ ਯੁੱਧ ਕਲਾ ਵਿੱਚ ਪ੍ਰਬੀਨ ਹੋਣ ਅਤੇ ਸੰਸਾਰ ਵਿੱਚ ਪੂਰਨ ਅਜ਼ਾਦੀ, ਸਵੈਮਾਣ ਤੇ ਮਾਣ ਸਤਿਕਾਰ ਨਾਲ ਜੀਵਣ ਬਤੀਤ ਕਰਨ।...

Read Full Article

ਭਾਰਤ ਮਾਤਾ ਦੇ ਸਪੂਤਾਂ ਵਲੋਂ ਹੀ ਕੀਤੀ ਜਾ ਰਹੀ ਹੈ ਇਸ ਦੀਆਂ ਧੀਆਂ ਭੈਣਾਂ ਦੀ ਬੇਪੱਤੀ

 

ਭਾਰਤ ਦੇਸ਼ ਵਿੱਚ ਵੱਖ ਵੱਖ ਸਥਾਨਾਂ 'ਤੇ ਅੌਰਤਾਂ ਅਤੇ ਬਾਲੜੀਆਂ ਨਾਲ ਹੋਏ ਜਬਰ ਜਨਾਹ ਦੀਆਂ ਘਟਨਾਵਾਂ ਤੋਂ ਬਾਅਦ ਭਾਰਤ ਦੇ ਅਮਨ ਪਸੰਦ ਲੋਕਾਂ ਵਿੱਚ ਅਜਿਹੇ ਅਨਸਰਾਂ ਵਿਰੁੱਧ ਪੂਰਾ ਰੋਹ ਹੈ ਅਤੇ ਔਰਤਾਂ ਨਾਲ ਹੋ ਰਹੇ ਅਜਿਹੇ ਜ਼ੁਲਮਾਂ ਪ੍ਰਤੀ ਰੋਹ ਭਰਪੂਰ ਪ੍ਰਤੀਕਿਰਿਆਵਾਂ ਸਾਹਮਣੇ ਆ ਰਹੀਆਂ ਹਨ । ...

Read Full Article

ਸਰਦਾਰਾਂ ਤੋਂ ਨੱਚਾਰ ਬਨਾਉਣ ਦੀ ਮੁਹਿੰਮ ਹੋਈ ਤੇਜ਼

 

ਖ਼ਾਲਸਾ ਪੰਥ ਜੀ ਅੱਜ ਲੱਚਰਤਾ ਨਾਲ ਭਰੇ ਗੀਤਾਂ ਅਤੇ ਨਾਚਾਂ ਨਾਲ ਇਸ ਦੇਸ਼ ਦੇ ਹਾਕਮ ਤੁਹਾਨੂੰ ਫੇਰ ਸਰਦਾਰ ਤੋਂ ਨੱਚਾਰ ਬਨਾਉਣਾ ਚਹੁੰਦੇ ਹਨ । ਬਾਬੇ ਨਾਨਕ ਦੀ ਰਬਾਬ ਤੇ ਹਰਿਗੋਬਿੰਦ ਪਾਤਸ਼ਾਹ ਦੀ ਢਾਡੀ ਪ੍ਰੰਪਰਾ ਤੁਹਾਨੂੰ ਅਵਾਜ਼ਾਂ ਮਾਰ ਰਹੀ ਹੈ ਜੇ ਨਾਂ ਸੰਭਲੇ ਤਾਂ ਇੱਕ ਹੋਰ ੮੪ ਵਾਸਤੇ ਤਿਆਰ ਰਹਿਉ ।...

Read Full Article